سەرەکی » ئابووری » هەڵەبجە.. وەزیری شەهیدان و پارێزگار دابەشكردنی زەوی تاوتوێ دەكەن

هەڵەبجە.. وەزیری شەهیدان و پارێزگار دابەشكردنی زەوی تاوتوێ دەكەن

یەكەی ئابووری

وەزیری كاروباری شەهیدان و ئەنفالكراوان هەرێم، لەپارێزگای هەڵەبجە پرسی چارەسەری دابەشكردنی زەوی بەكەسوكاری شەهیدان و خانووی یەك شەهیدەكان و منداڵە ونبوەكان و چارەسەری بەركەوتوانی چەكی كیمیایی لەگەڵ یەكە ئیدارییەكان تاوتووێ كرد.
مەحمود حاجی ساڵح وەزیری كاروباری شەهیدان و ئەنفالكراوانی هەرێم و وەفدێكی هاوڕێی سەردانی پارێزگای هەڵەبجەیان كردو لەلایەن ئازاد توفیق پارێزگاری هەڵەبجەو جێگری پارێزگارو ژمارەیەك لە بەڕێوەبەری گشتی و سەرۆكی زانكۆی هەڵەبجە پێشوازیان لێكرا.

دۆسێیەكە دراوەتە وەزارەتی تەندروستی
لەكۆبوونەوەیەكدا پرسی چارەسەری دابەشكردنی زەوی بە كەسوكاری شەهیدان‌و خانووی یەك شەهیدەكانی هەڵەبجەو پرسی منداڵە ونبوەكانی هەڵەبجەو چارەسەری بەركەوتوانی چەكی كیمیایی كە لەئێستادا دۆسێیەكە دراوەتە وەزارەتی تەندروستی گفتوگۆیان لەبارەوە كرا.
لە تەوەرێكی تری كۆبوونەوەكەدا پرسی یادكردنەوە 31 ساڵەی كیمیابارانی هەڵەبجە خرایە بەرباس‌و بیروڕای لەبارەیەوە ئاڵوگۆڕكراو وەزیری كاروباری شەهیدان‌و ئەنفالكراوان تەئكیدی لەوە كردەوە كە دەبێت یادێك بێت كە شایستە بە قوربانیدانی هەڵەبجە بێت و بەزوترین كات كار لەسەر پێكهێنانی لیژنەكان و ئامادەكردنی دەرخستە بكەن تا بەزوترین كات رێوشوێنی ئیداری و دارایی بۆ بە ئەنجام بگەیەنرێت.

پرسی جینۆساید
وەزیری كاروباری شەهیدان‌و ئەنفالكراوانی هەرێم، بەگرنگیزانی كە یادەكە دەرچێت لە یادە رۆتینەكان وتار خوێندنەوەو زیاتر تەركیز لەسەر لێكوڵینەوە بكرێت لەبارەی پرسی جینۆسایدی گەلەكەمان و بۆ ئەمەش زانكۆی بەناوەندێكی ئەكادیمی بۆ ئەم پرسە دیاری كردو هیوای خواست بتوانن هاوشێوەی پار ساڵ بەچالاكی ئەكادیمی بەشداری لە یادەكەم بكەن.
هەر لەدرێژەی سەردانەكەیدا وەزیری كاروباری شەهیدان‌و ئەنفالكراوان‌و وەفدی هاوڕێی بەمەبەستی گوێگرتن لەگرفت و كێشەو پێداویستیەكانیان، سەردانی بەڕێوەبەرایەتی گشتی كاروباری شەهیدان و ئەنفالكراوانی هەڵەبجەی كردو لەلایەن بەڕێوەبەری گشتی و بەڕێوەبەرو سەرۆكی بەشەكان پێشوازی كرا.
دوای ئەوەی تەئكیدی لەزیاتر خزمەتكردنی كەسوكاری شەهیدان‌و چارەسەركردنی گرفتی پێكەشكردنی خزمەتگوزاری كردەوە، وەزیری كاروباری شەهیدان و ئەنفالكراوان گوێی لەگرفت و كێشەكانی بەڕێوەبەرایەتیەكە گرت و بەڵێنی چارەسەركردنی گرفتەكانی پێدان.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

قەیرانی یەكێتیی ئەوروپا و ئابووریی بریتانیا

فەیسەل عەلی* دوای ئەوەی بۆ جاری دووەم پلانەكەی تێرێزا مای ...