سەرەکی » هەمەڕەنگ » مۆزەخانەی هەوری چالاكیی حەوتەوانەی پێشكەشكرد

مۆزەخانەی هەوری چالاكیی حەوتەوانەی پێشكەشكرد

لەیەکەمین پڕۆژەیاندا مۆزەخانەی جوڵاوی هەوری چالاكیی حەوتەوانەی بەناونیشانی (کاتێک ئافرەتەکانی مێژوو و ئێستا دەدرەوشێنەوە) نمایشكرد.

چالاكیی حەوتەوانە بەهاوبەشی ئینستیتوتی كەلەپوری كوردی و بە پاڵپشتی دامەزراوەی ڤیم لەشاری سلێمانی بەڕێوەچوو و لە چەند بەشێكی جیا جیادا كاری دەستیی و نمایشی تابلۆی كێشراوی خانمانی بۆ ئامادەبووان نمایشكرد.

دواتر دیبەیتێكی بۆ چوار خانمی سەركەوتوو سازکرد و لە گفتوگۆیەكی كراوەدا هەریەك لە خاتوو ئەمەل جەلال، سەرۆکی دەستەی گەشتوگوزار و شاناز جەمال شارەزای بواری دیزاین و كلتور و هەردوو خانمە

پێشكەشكاری بەرنامەی بنەوشەی كەناڵی كوردسات سروە و باخچە، باسیان لە ئەزموون و كاری خۆیان كرد وەكو ژن و دایك لە ماڵەوەو دەرەوەدا.

لەبەشێكی تری چالاكییەكاندا نمایشێكی جلوبەرگی کوردی فۆلکلوری لەلایەن هەوار محەمەدەوە پێشكەش كرا.

پرۆژەی حەوتەوانەی مۆزەخانەی جوڵاوی هەوری بەنیازە چالاكییەكانی لەسەر ئاستی عیراق و هەرێمی کوردستان پێشكەش بكات و گرنگی بە کلتور و داب و نەریتی نەتەوەیی و نیشتمانی بدات.

ڤینۆس تۆفیق

 424 جار بینراوە