سەرەکی » زانست » كه‌شتی نوح » كچێكی ئیفلیج بەسەر نەخۆشییەكەیدا زاڵ دەبێت

كچێكی ئیفلیج بەسەر نەخۆشییەكەیدا زاڵ دەبێت

كەشتیی نوح
توشبوویەكی ئیفلیجیی مێشك توانی لە رۆژی بوكێنییەكەیدا زاوا و ئامادەبووان سەرسام بكات.

(ئیلینا بانفلێد)ئەو كچە بەریتانییە یە كە بووە وانەیەكی ئازایەتی و بەهێزی ویستەكانی مرۆڤ، كاتێك بڕیاریدا سەرەڕای ئیفلیجییەكەی بۆ دڵخۆشكردنی زاوا و ئامادەبوان هەوڵ بدات لە رۆژی ئاهەنگەكەیدا بە پێ بە ناو راڕەوی شوێنی ئاهەنگەكەدا بڕوات تا دەگاتە لای زاوا و توانیشی بە سەركەوتوویی ئەو كارە بكات.

هەرچەندە ئەو كارە زۆر زەحمەت بوو بۆ ئەو بووكە كە لە منداڵییەوە ئیفلیج بوو، بەڵام توانی بەسەر ئەو حاڵەتەیدا زاڵ بێت و بە هەستانی لەسەر كورسییە بزۆكەكە و هەنگاونانی بۆ لای زاوا، مێردەكەی و هەموانی دڵخۆش و سەرسامكرد.

ئەم خانمە تەمەن (29 ) ساڵە بەر لە رۆژی ئاهەنگەكەی بە چەند مانگێك بە یارمەتی راهێنەرێكی شارەزا هەفتەی سێ رۆژ مەشقی كردووە و تەنانەت هەندێك مەشقی تایبەت بە لەشجوانیشی كردووە بۆ ئەوەی ماسولكەكانی بەهێزبن و رۆژی ئاهەنگەكەی بە لەشولارێكی رێك و گونجاوەوە دەربكەوێت و ماوەی 10 مەتر بەپێ بڕوات بۆ لای هاوسەرەكەی و پێكەوە بەڵێنی دەستپێكردنی قۆناغێكی نوێی ژیان بەیەك بدەن.

دوای ئەوەی ئیلینا لەگەڵ (فلیب كۆفی)دا بڕیاریاندا هاوسەرگیری بكەن ئەویش بڕیاریدا هیچ شتێك نەبێتە رێگر لەبەردەم ژیانیدا و بەڵینی بە خۆیشی داوە دوای هاوسەرگیریەكەشی بەردەوام بێت لە مەشقكردن بۆ ئەوەی بتوانێت ژیانێكی ئاسایی هەبێت و پێویستی بە یارمەتی كەس نەبێت بۆ كاروباری ناو ماڵ و بەرێوەبردنی خێزان.

سەرچاوە: elaph

 93 جار بینراوە