سەرەکی » هەمەڕەنگ » کۆڕێک بۆ ناساندنی کتێبی جیهادی ژنان- بۆچی داعشیان هەڵبژارد

کۆڕێک بۆ ناساندنی کتێبی جیهادی ژنان- بۆچی داعشیان هەڵبژارد

لەبەردەوامی چالاكییەكانیدا ساڵۆنی لاپەرە نۆی ناوەندی هەولێری مەكتەبی ناوەندی راگەیاندنی یەكێتی كۆڕێكی بۆ شاناز هیرانی بۆ ناساندنی كتێبی (جیهادی ژنان- بۆچی داعشیان هەڵبژارد) نووسینی (فەتحی بن سەلمە) و (فەرهاد خسرو خاوەر) وەرگێرانی (شاناز هیرانی) سازكرد كە لەلایەن مەكتەبی بیرو هۆشیاری یەكێتییەوە چاپکراوە.
لەكۆڕەكەدا شاناز هیرانی بەشێوەیەکی گشتی باسی لەناوەڕۆكی كتێبەكەی كردو وتی: كتێبەكە باس لەوە دەكات داعش چۆن كاری كردووە لەسەر كچان و ژنانی تەمەن بچووك كە تەمەنی هیچ یەكێك لەوانە لەبیست و پێنج ساڵ بەرەو سەرەوە نییە كە چواردەو پانزەو شانزە تا دەگاتە بیست و پێنج ساڵی، مرۆڤیش لەو تەمەنەدا كە هەرزەكاریە تەمەنێكی مەترسیدارە و بەئاسانی هەڵدەخەڵەتێت و كەمەندكێش دەكرێت بۆ هەر بابەتێك كە كەسێك بیەوێت ئەنجامی بدات.
پاشان كتێبەكە پێشکەش بە ئامادەبووانی کۆڕەکە کرا.

رەوەست نەوزاد

 64 جار بینراوە