سەرەکی » زانست » بەرازی كێوی لە پایتەخت دەسووڕێنەوە

بەرازی كێوی لە پایتەخت دەسووڕێنەوە

ژمارەیەكی زۆر لەبەرازی كێوی لە كەنار روباری Baranaی باكوری شاریBuenes Airens ی پایتەختی ئەرجەنتین دەژین و بەگەورەترین دادەنرێن لەسەر ئاستی هەموو جیهان و دەیان هەزار لەو بەرازە كێویانە كە لەو شوێنە شێدارە زاوزێ دەكەن تادێت زۆرتر دەبن، خواردنی سەرەكی ئەو بەرازانە ماسی و ڕووەكی دەریاییە ، بەڵام ئەمساڵ بەهۆی پیسبونی زۆرێك لەئاوی دەریاو روبارەكان و گۆڕانی كەشوهەوا خواردنیان لێ كەمبۆتەوەو ناچار هەزاران لەو بەرازانە بەرەو ناوچەی تر كۆچ بكەن، سەدان لەو رەوە بەرازانە بەناو چەند گەڕەكێكی پایتەخت بڵاوبونەتەوەو لەبرسا هاربون و وەزعێكی نالەباریان لەو شارە دروستكردوە، چەندین روداوی هاتوچۆ و پەلاماردان و برینداربونی خەڵكی لێ كەوتۆتەوە.

ماوەی رابردو خەڵكی گەڕەكەكانی باكوری بۆینس ئایرس نەدەوێران شەوانە لەماڵ بچنەدەرەوەو باخچەی ماڵەكانیان ببوە پەناگەو ماڵی ئەو گیاندارە كێویانەی كەخواردنیان لێ براوەو بەدوای ژیان و هەوارێكی تازەدا دەگەڕین كە ژیانی تێدا مسۆگەربێت، ئاژانسی ژینگەی ئەرجەنتین داوای بەپەلە چارەسەركردنی ئەو كیشەیەی كردوەو حكومەتیش خەریكی دانانی خواردەمەنیە بۆ ئەو بەرازانە تاوەكو هاوڵاتیان ئازار نەدەن و بەهێمنی ئەوناوە بەجێ بێڵن.

سەرچاوە: DPB

 64 جار بینراوە