سەرەکی » وەرزش » بۆ جاری سێیه‌م به‌ باشترین كه‌سایه‌تی وه‌رزشی پۆڵه‌ندا دیاریكرا

بۆ جاری سێیه‌م به‌ باشترین كه‌سایه‌تی وه‌رزشی پۆڵه‌ندا دیاریكرا

رۆبه‌رت لیڤاندۆڤسكی هێرشبه‌ری یانه‌ی‌ بایرن مونشن بۆ جاری سێیه‌م له‌ كاروانی وه‌رزشی به‌ باشترین كه‌سایه‌تی وه‌رزشی ساڵ له‌ پۆڵه‌ندا دیاری كرا.

ساڵانه‌ گۆڤاری بریزگلاد شپۆرتۆڤی پۆڵه‌ندا به‌ پشت به‌ستن ده‌نگدان باشترین كه‌سایه‌تی وه‌رزشی ساڵ له‌ وڵاته‌كه‌ دیاری ده‌كات.

هه‌روه‌ك چاوه‌ڕوانیش ده‌كرا ئه‌مساڵ رۆبه‌رت لیڤاندۆڤسكی توانی زۆرترین ده‌نگ كۆبكاته‌وه‌و له‌ ئاهه‌نگێكیشدا خه‌ڵاته‌كه‌ی‌ پێ به‌خشرا.

له‌ ده‌نگدانه‌كه‌ لیڤاندۆڤسكی پێش ئه‌نیتا فلۆدارسیكی ئه‌ستێره‌ی هه‌ڵدانی قورسایی به‌ زنجیره‌وه‌ كه‌وت و له‌پله‌ی سێیه‌میش بارتۆش زمارزلیكی ئه‌ستێره‌ی سپیدوەی هات.

له‌دوای وه‌رگرتنی خه‌ڵاته‌كه‌ش لیڤا وتی: رێزلێنانم وه‌كو باشترین كه‌سایه‌تی وه‌رزشی زۆر ده‌گه‌یه‌نێت بۆ من به‌تایبه‌ت كه‌ خودی هانده‌ران براوه‌ی‌ خه‌ڵاته‌كه‌ دیاری ده‌كه‌ن.

 74 جار بینراوە