سەرەکی » وتار » بارزان شێخ عوسمان‌ » چل و سێ ساڵ خەبات بۆ شكستهێنان بە پیلانەكان

چل و سێ ساڵ خەبات بۆ شكستهێنان بە پیلانەكان

ی.ن.ك لەهەلومەرجێكدا دامەزراو شانیدایە بەر سەختترین خەبات، كە پیلانێكی ناوچەیی بە پیرۆزبایی هەندێك لایەنی دەولی لە دژی بزووتنەوەی رزگاریخوازیی دیموكراتیكی كۆمەڵانی خەڵكی كوردستان لەئارادا بوو.
سەرەنجامیش بڕیارە واقیعبینی و راست و دروستەكەی هەڵگیرساندنی شۆڕشی نوێی گەلەكەمان سەركەوت و سەنگەرەكانی خەبات ئاوەدان بونەوەو حزب و رێكخراوی نوێ هاتنە مەیدان ئەوانی تریش بووژانەوە و خۆیان رێكخست. بەمەش ی.ن.ك شكستی بەو پیلانە زەبەلاحە هێنا كە دژی گەلەكەمان لەئارادا بوو. دواتریش كە دوژمنان بۆیان ساغ بووەوە ی.ن.ك ئەتوانێت ببێت بەو ئەڵتەرناتیڤە دیموكراسییەی كە گەلی كوردستان و شۆڕشە رەواكەی و بزووتنەوەی دیموكراسیی لە عیراق و بگرە ناوچەكەش چاوەڕێی ئەكا، بازنە و رووبەری پیلانەكانیان فراوان و چڕتر كردەوە و گەلە كۆمەكێی ناوچەییان لەدژی بەكارهێنا بەداخەوە هەندێك هێزی ناوخۆییش لەو پیلانانەیا بەشدار بوون. ی.ن.ك دڕی بەو پیلانانەش دا رۆژ لەدوای رۆژ بنكەی جەماوەری زیاتر بەهێز و فراوانتر ئەبوو، بووە ئەو هێزە كە دۆست و دوژمنیش حسابی بۆ بكەن، بەڵام تەونی پیلانەكانیش هەر بەردەوام بوون كە خۆشبەختانە ی.ن.ك ئەو تاقیكردنەوانەشی بەسەركەوتوویی تێئەپەڕاند بەئێستاشەوە. نەیارەكانی ی.ن.ك بوختان و تۆمەت نەماوە بۆی نەهۆننەوە، ئسلوب و رێگە نەماوە لەدژی نەیگرنەبەر تا ناشرینی بكەن، هەم داخ لەدڵی زیاتر لە دژ هان بدەن، هەم كارێك بكەن كە جەماوەرەكەی خۆی لێ دوور بخەنەوە.
ئەگەرچی لەم دەساڵەی دواییدا تاڕادەیەك پیلانەكان كاریگەریی خراپی كردە سەر ی.ن.ك، بەڵام چونكە هێزێكی رەسەن ومێژوو كرد و هەڵقوڵاوی راستەقینەی جەماوەرە، هەر شكستی بەو پیلانانە هێنا هەروەك ئاواتی هەمیشەیی كۆمەڵانی خەڵك درێژەی بەو خەباتە داوە بە ئامانجی شكستپێهێنانی پیلانەكان و خزمەتكردنی جەماوەر. لەم سەردەمەدا دووجار ی.ن.ك رووبەڕووی جیابوونەوە بوو كە یەكێكیان لەلایەن كەسی دووەمی بوو، ژمارەیەكی باشی كادیرانیشی لەگەڵ بوو، بەڵام هەرزوو داخ لەدڵانێكی زۆر لەو حەرەكە نوێیە كۆبوونەوە، هەم دژایەتیی و پیلانەكانی خۆیان لە دژی ی.ن.ك درێژەپێدا، هەم بزووتنەوەكەشیان قۆرخ كرد و بەلاڕێیان برد و ئەركەكەیان كرد بە دوژمنایەتیكردنی ی.ن.ك بەتەنیا، هەر بۆیە ئەوەی دووەمیش كە لەم هەڵبژاردنەی ئەم دواییەدا سەریهەڵدا، هەمان ئسلوبی گرتەبەر، هێزە كۆنەپەرستەكان كە لەناو ئەو هێزانەشدا باڵادەستن، بەهەمان ریتم قورسایی دوژمنایەتییەكانیان بە ئاڕاستەی ی.ن.ك-ە بە تایبەتیی لەم هەڵبژاردنە گشتییەی ئەمدواییەدا. ئەوەی مایەی سەرنجە ئەو تاقمانەی كە نە بڕوایان بە دیموكراسیی و خوێندنەوەی رای بەرامبەر و مافەكانی مرۆڤە، ئەوانیش لەچوارچێوەی ئەو پیلانەدا قاچی ی.ن.ك ئەگرن و ئەو چەمك و پرەنسیبانەی پێ ئەفرۆشنەوە كە ی.ن.ك دەیان ساڵە خەباتیان بۆ ئەكا و خەڵك و حزبەكانی لەسەر راهێناوە و هانی داون و بەدیهێناون و پەیڕەویشی كردوون. لەهەرجێیەك دەسەڵاتی بووبێت.
بەكورتی و بە پوختی ی.ن.ك لەم چل و سێ ساڵەی تەمەنیا بۆ بەدیهێنانی ئامانجەكانی كۆمەڵانی خەڵكی كوردستان و چەسپاندنی مافە رەواكانیان لە عیراقێكی دیموكرات و فیدراڵی یەكگرتووی سەربەخۆی فرەییدا و بۆ بەدیهێنانی دروشمە واقیعی راستەقینەكان، پووچەڵكردنەوە و شكستپێهێنانی پیلانەكان لەدژی خۆی و گەلەكەمان ئەركێكی سەرەكیی بووە، كە خۆشبەختانە هەموو ئەو تەنگ و چەڵەمە و دژوارییانەی بەسەركەوتویی بڕیووە. كە ئەم زنجیرە پیلانەی ئێستاش تێك ئەشكێنێت و شكست بەو گەلەكۆمەكێیە ئەهێنێت كە لە ژێر ناوی سەیرو سەمەرە و خۆبەفریشتە زانیندا لە دژی ی.ن.ك ئەكرێت.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*