سەرەکی » وتار » لەتیف فاتیح فەرەج‌ » دیسان كوردبون

خورجە

دیسان كوردبون

1
دیداری گاباری ناوێكم خوێندەوە ، من لەو دیدارەدا ئەوەی بە لامەوە جێی هەڵوەستەو سەرسامی بوو ، ئەوەیە باشە كورد لە زیندانیشا لە زەمی براكەی خۆی ناكەوێت ، ئەگەر گاباری بە درۆو بەڕاست خۆی ئەو شتانەی نەگێڕاباوە ، ئێستا بۆ ئێمە ناویمان دەخستە ناوانەوە ، ئەو لەو بابەتە نەخۆش و كەلەلایانەیە ،بۆ ئەوەی باس بكرێت ،سەرەڕێیەكە پیس دەكات ، من داخی ئەوەمە زۆر كەم كوردە حەیاتەكە دەتوانێ‌ هاوسەنگی بپارێزێت ، هاوسەنگی پاراستن لانی كەم بریتیە لەوەی پیری ئاخر شەڕ نەبیت ،ئەو پیاوە دێڕە شیعرێكی حەریقی بیرخستمەوە :
تاڵ و شیرین پێكەوە نەمدیوە چابێ‌ چانەبێ‌
هەركەسێكی هەمنشینی چانەبێ‌ پێت چانەبێ‌
ئیدی دیارە ئەو بەندەی خودایە ئێستا بەو جۆرە قوتەلایەموتەكەی دەدرێتێ‌ .
2
با واز لەو بێنین و ئاوڕێك لە كوردە حەیاتەكەی كەركوك بدەینەوە ، ئەو كوردی كەركوكە ئەگەر سیاسیەكان و حزبەكان لێیبگەڕێن چ عەیبانی نیەو دەتوانێ‌ كارو باری خۆی ڕای بكات ، بڕوانن ئەوە سیاسیەكانن كایەكە لە كوردەكە تێكدەدەن ، كاكم لە سەر حسابی ئەوان دەبێتە پارلەمانتارو وەزیرو گزیرو ئەندامە ئەنجومەن و شتی تر ، كەچی لە پڕ بیری دەچێت ، كە كاری ئەو خزمەت و داكۆكیە لەكەركوكیەكان و دەكەوێتە خەمی گیرفانی خۆیەوە ، لەوەش گەڕێ‌ رۆژەكە رۆژێكە هەموو وەتەنیاتمان پێدەفرۆشن ، بابە تۆ پارە لە بری ئەو كارەت وەردەگریت ، وەك چۆن میوە فرۆشێك لە بری فرۆشتنی میوەكەی پارە وەردەگرێت ، لێ‌ میوەی میوە فرۆشەكە شیرین و ئەو تۆ تاڵ و تفتە ، ئیدی ئەوەندە خۆتمان بە سەردا بامەدە .
3
بەر لە هەر شت ئەركی هەموومانە ئاكار بگێڕینەوە بۆ كورد بوون ، ئەمەیان سیناریۆو شتی ناوێ‌ ،باكەس بیر لە سیناریۆ نەكاتەوە، ئەمەیان هەر ئەوەی پێویستە یەكترمان خۆش بووێت و لە تەنگانەو ناخۆشیدا پێكەوە بین ، لام وایە كوردی شاعیرە لە بارەی كوردەوە نووسیویەتی :
كورد ئەوەند كوردن بە سەت شەیتان لە كوردی ناكەون
ئیكە خەڵكی بۆچی بۆخۆی دەردی سەر پەیدا دەكات
بۆ من زۆر مەبەست نیە زۆر كورد بین ، بۆ من ئامانج زۆر مرۆیی بوونە ، مرۆیی بوون ئەوەنیە بە مەرگ و لە دەستدەرچوونی لاوەكانت بخەنیتەوە ، مرۆیی بوون ئەوەیە نەهێڵی لاوەكانت بخزێن ، دەی تۆ هەر لەسەر پارەو دۆلار یاری بكە ،كە هەندەران و ناوداعش و ئیجە شوێنی لاوەكانت بێت كەواتە تۆ هیچ نیت ، لە بری گاباری كە حەزی بە قسەی زلە ئاوڕ لە دوو لاو بدەنەوە چاترە .

 445 جار بینراوە