سەرەکی » ئەدەب - سێبەر و سایە » ده‌زگایه‌ك ، 20 ساڵ له‌خزمه‌ت رۆشنگه‌ریی كۆمه‌ڵگادا

ده‌زگایه‌ك ، 20 ساڵ له‌خزمه‌ت رۆشنگه‌ریی كۆمه‌ڵگادا

ئا/ سیڤا ئازاد
ده‌زگای‌ رۆشنگه‌ری كه‌ نێوه‌ندێكی فیكری سیاسی فه‌لسه‌فیه‌ له‌ساڵی 1998ه‌وه‌ كار ده‌كات، دامه‌زراوه‌یه‌كی كلتووری ئه‌قڵانیه‌، كۆمه‌ڵێك ده‌روازه‌و ده‌رگای خۆی هه‌یه‌ كه‌ له‌ڕێیه‌وه‌ كاره‌كانی خۆی تیا جێبه‌جی ده‌كات، له‌باره‌ی‌ پرۆژه‌و كاره‌كانی‌ ده‌زگاكه‌ له‌ئێستاو داهاتوو، (سێبه‌رو سایه‌) چاوپێكه‌وتنێكی‌ له‌گه‌ڵ بێستوون مه‌حمود به‌ڕێوه‌به‌ری ده‌زگاكه‌ سازكرد، سه‌ره‌تا له‌باره‌ی‌ ئامانج و دروشمی‌ ده‌زگاكه‌، وتی‌:
-درووستبوونی نێوه‌ندی رۆشنگه‌ری راسته‌وخۆ بریتیه‌ له‌و بیركردنه‌وه‌یه‌ی كه‌ نێوه‌ندی رۆشنگه‌ری ئه‌یه‌وێت چی بكات، نێوه‌ندی رۆشنگه‌ری نێوه‌ندێكی فیكری‌و فه‌لسه‌فیه‌ هه‌وڵده‌دات كلتووری فه‌لسه‌فه‌ی ئه‌قڵانیه‌ت بخاته‌ نێو كۆمه‌ڵگای كوردییه‌وه‌ وه‌ هه‌وڵبدات گه‌شه‌ی پێبدات ئه‌و تێكستانه‌ بخاته‌ به‌رده‌ستی خوێنه‌ری كورد.
هه‌روه‌ها وه‌ستانێكی هه‌یه‌ له‌سه‌ر ئه‌و چه‌مكانه‌ی كه‌له‌ناو دنیای مۆدێرنیه‌تیدا هاتوونه‌ته‌ پێشه‌وه‌و گه‌شه‌یان كردووه‌،  ئه‌و چه‌مكانه‌ نێوه‌ندی رۆشنگه‌ری به‌ژماره‌ی تایبه‌ت له‌گۆڤاره‌كه‌دا كاری له‌سه‌ر كردووه‌‌و به‌ژمارره‌ی قه‌باره‌ی گه‌وره‌ كاری له‌سه‌ر هه‌موو ئه‌و چه‌مكانه‌ كردووه‌ كه‌ له‌نێو فه‌زای دنیای رۆشنگه‌ریا یان ئه‌و چه‌مكانه‌ی ناو فه‌زای دنیای مۆدێرنه‌تیا هاتوونه‌ته‌ ناو كایه‌ی كۆمه‌ڵگای به‌شه‌رییه‌وه‌.
*به‌رهه‌مه‌كانی ده‌زگای‌ رۆشنگه‌ری چیبوون ‌و ئه‌م به‌رهه‌مانه‌ تاچه‌ند كاریگه‌ریان هه‌بووه‌ له‌كۆمه‌ڵگه‌دا؟
-له‌ڕاستیدا نێوه‌ندی‌ ڕۆشنگه‌ری‌ كۆمه‌ڵێك ده‌روازه‌ی هه‌یه‌ بۆ ئه‌وه‌ی‌ ئیشه‌كانی‌ خۆی‌ تیا بخاته‌ڕوو: یه‌كه‌م /گۆڤارێكی‌ هه‌یه‌ به‌ناوی‌ گۆڤاری‌ ڕۆشنگه‌ری‌ ،گۆڤاری‌ ڕۆشنگه‌ری‌ تا ئێستا 35 ژماره‌ی‌ لێ ده‌رچووه‌،گۆڤاری‌ ڕۆشنگه‌ری‌ یه‌كێكه‌ له‌و گۆڤارانه‌ی‌  كه‌گۆڤارێكی‌ (فیكری‌و فه‌لسه‌فیه‌) یه‌ پشتی‌ به‌ستووه‌  به‌هێزی‌ ڕه‌خنه‌گرانه‌ی‌ سه‌رده‌می‌ بیركردنه‌وه‌ له‌ژێر ئه‌ودروشمه‌یا ئیش ده‌كات. ئه‌م گۆڤاره‌ له‌سه‌ر ئه‌و چه‌مكانه‌ وه‌ستاوه‌ یان مه‌له‌فه‌كانمان كه‌ تایبه‌تن به‌ناو دنیای‌ ڕۆشنگه‌ری‌ یان ئه‌وچه‌مكانه‌ی‌ له‌ناو دنیای‌ مۆدێرنتیدا له‌نێوان سیاسه‌ت و له‌نێوان فكرو له‌نێوان فه‌لسه‌فه‌و له‌نێوان كۆمه‌ڵگا كاری‌ له‌سه‌ر ده‌كرێت،بۆنمونه‌ ئێمه‌ له‌سه‌ر چه‌مكی‌ دیموكراسی‌ ژماره‌مان هه‌یه‌ له‌سه‌ر چه‌مكی‌ ئازادی‌ هه‌مانه‌ له‌سه‌ر دادپه‌روه‌ری‌  له‌سه‌ر یه‌كسانی‌ له‌سه‌ر توندو تیژی‌ هه‌مانه‌ له‌سه‌ر كلتوری‌  ناتوندوتیژی‌ هه‌مانه‌بابلێن هه‌موو ئه‌و چه‌مكانه‌ كارمان له‌سه‌ر كردووه‌ به‌مه‌سافه‌یه‌كی‌ زۆر یه‌عنی‌ هه‌ر ئه‌وه‌ نه‌بووه‌ له‌چه‌ند ژماره‌یه‌كا بێت، چه‌مكه‌كان هه‌مووی‌ شیكراوه‌ته‌وه‌و نوسینی‌ باشیان له‌سه‌ره‌، وه‌هه‌وڵدراوه‌ زۆربه‌ی‌ ئه‌وتێكست و ده‌قانه‌ له‌ناو ئه‌وژمارانه‌یا بڵاوكرێته‌وه‌ كه‌بیریاری‌ گه‌وره‌ن له‌پشتیانه‌وه‌ ئیشیان كردووه‌و كاریگه‌ری‌ گه‌وره‌یان هه‌یه‌ له‌سه‌ر(چه‌مكه‌ فه‌لسه‌فیه‌كان).
*ئه‌وبه‌رهه‌مانه‌ كاریگه‌رییان له‌ كۆمه‌ڵگا كردووه‌ یان بڵێین ڕه‌غبه‌تی‌ كۆمه‌ڵگا به‌رامبه‌ری‌ چۆن بووه‌؟
 – من ئه‌بوایه‌ له‌پرسیاره‌كه‌ی‌ پێشودا ئاماژه‌م به‌وه‌ش بدایه‌ غه‌یری‌ گۆڤاره‌كه‌ئێمه‌ ده‌روازه‌ی ترمان هه‌یه‌ كه‌ئیشی‌ له‌سه‌ر ئه‌كه‌ین ،یه‌كێك له‌وانه‌ ده‌ركردنی‌ كۆمه‌لێك كتێبه‌ زنجیره‌یه‌ك كتێبمان هه‌یه‌، ئه‌وكتێبانه‌ی‌ ئێمه‌ ئیشیان له‌سه‌ر ده‌كه‌ین كتێبێكن ته‌واو كتێبی‌ فكرین وه‌كتێبی‌ فه‌لسه‌فین وه‌تێكستی‌ بنچینه‌و بنه‌ڕه‌تین له‌نێو فكری‌ كۆمه‌ڵگای‌ به‌شه‌ریا، بۆنمونه‌ئێمه‌ توانیومانه‌ تائێستا سیان له‌ كتێبه‌ گرنگه‌كانی‌ فه‌یله‌سوفی گه‌وره‌ی‌ ئه‌ڵمانی‌ و وه‌دامه‌زرێنه‌ری‌ بیری‌ ڕۆشنگه‌ری‌  «كانت» وه‌ربگێڕین بۆ زمانی‌ كوردی‌.
له‌درێژه‌ی‌ ئه‌وكتێبانه‌یدا ئێمه‌ ده‌ستمان بردووه‌ بۆ دوو تێكستی‌ زۆرگرنگی‌ فه‌یله‌سوفی‌ گه‌وره‌ «سپینۆزا» دوو كتێبی زۆر گرنگن كه‌ له‌ مێژووی مرۆڤایه‌تیدا له‌سه‌ر نه‌قدی دینی یان جیاكردنه‌وه‌ی فه‌لسه‌فه‌ له‌ ئایین ئه‌ژمار ده‌كرێن یه‌كێك له‌ كتێبه‌كان كتێبی ئه‌خلاقه‌ ئه‌وه‌ی دووهه‌میش كتێبی نامه‌كان ده‌رباره‌ی لاهووت‌و سیاسه‌ته‌ كه‌ دوو تێكستی زۆر گرنگن هه‌ر له‌ناو ئه‌م پڕۆژه‌یه‌دا ئیشی له‌سه‌ر كراوه‌ ئێسته‌ ته‌واو بووه‌ له‌ناو كتێبخانه‌ی كوردیدایه‌ ‌و تا ئێستا توانیومان.
دوو كتێبی فه‌یله‌سووفی گه‌وره‌ی فه‌ره‌نسی دامه‌زرێنه‌ری مۆدێرنیه‌تی «دیكارد» بكه‌ین به‌ كوردی كه‌ دوو كتێبی زۆر گرنگن یه‌كێكیان مێسۆدی فه‌لسه‌فه‌كانیه‌تی‌و یه‌كیكیان بنه‌ما فه‌لسه‌فیه‌كانیه‌تی، ئه‌مه‌ی ئێستا له‌ناو كتێبخانه‌ی كوردیدا ئه‌مانه‌ ئیشی خۆیان ده‌كه‌ن‌و له‌ ئاینده‌دا پرۆژه‌مان هه‌یه‌‌و له‌ ئێستاشدا ده‌ستمان پێكردووه‌ته‌وه‌ هه‌موو ئه‌مانه‌ له‌ زمانی ئه‌ڵمانیه‌وه‌ كراون به‌ كوردی جگه‌ له‌ كتێبه‌كانی دیكارد نه‌بێت چوونكه‌ خۆیان له‌ بنچینه‌دا ئه‌ڵمانی نین، دوای ئه‌مه‌ پڕۆژه‌كه‌ درێژه‌ی هه‌یه‌ بۆ ده‌ستبردن بۆ كۆمه‌ڵێك تێكستی گرنگی فه‌یله‌سووفی ئه‌ڵمانی «هایدگه‌ر»‌و ده‌ستمان پێكردووه‌ ده‌توانین له‌ داهاتوودا وه‌كو بۆكسێك بیخه‌ینه‌ كتێبخانه‌ی كوردیه‌وه‌ كه‌ پێكهاتووه‌ له‌ دوانزه‌ تێكستی هایدگه‌ره‌، ئه‌مه‌ش به‌یه‌كێك له‌ پڕۆژه‌ گرنگه‌كانی حۆمان سه‌یری ده‌كه‌ین چونكه‌ هایدگه‌ر فه‌یله‌سوفێكی گه‌وره‌ی ناو دنیای فه‌لسه‌فه‌یه‌، هه‌م كاریگه‌ریه‌كی زۆری جێهێشتووه‌ له‌ دوای خۆی، تا ئێستاش ته‌نها دوو كتێبی كراوه‌ به‌ كوردی له‌ زمانی دووه‌مه‌وه‌ وه‌رگێردراون به‌ڵام ئێمه‌ له‌ زمانی یه‌كه‌مه‌وه‌ بووه‌‌و هه‌موویان پێكه‌وه‌ ته‌واو ببن ده‌خرێنه‌ به‌رده‌ستی خوێنه‌ری كور، ئه‌مه‌ له‌نێو سیاغی ئه‌و كارانه‌ی كه‌ هه‌مانه‌ هه‌روه‌ها وێب سایتێكیشمان   هه‌یه‌ به‌ناوی رۆشنگه‌ریه‌وه‌ كه‌ دید‌و بۆچوونی رۆشنگه‌رانه‌ی خۆمان له‌سه‌ر كاریگه‌ریانه‌ی له‌ ناو كۆمه‌ڵگه‌ی كوردیدا هه‌یه‌تی‌و تێڕوانینی ئێمه‌ چۆنه‌ بۆ ئه‌و رووداوانه‌ی له‌ناو كۆمه‌ڵگه‌ی كوردیدا رووده‌ده‌ن، ئه‌مه‌ ته‌واوكه‌ری كۆی پڕۆژه‌كانی ئێمه‌یه‌.
سه‌باره‌ت به‌وه‌ی كاریگه‌ری له‌سه‌ر چی هه‌یه‌، ئێمه‌ ده‌بێت ئه‌وه‌ بزانین نێوه‌ندی رۆشنگه‌ری نێوه‌ندێكی فیكری‌و فه‌لسه‌فیه‌‌و بڵاوكراوه‌كانی بۆ كۆمه‌ڵێك شوێنی تایبه‌ته‌ وه‌ك زانكۆكان‌و هه‌روه‌ها نوخبه‌یه‌كی سیاسی‌و رۆشنبیرانمان  سودی لێ ده‌بینن هه‌ر، ئه‌وه‌نه‌ی ئێمه‌ ئاگادار بین به‌رهه‌مه‌كانمان كاریگه‌ریه‌كی باشی به‌جێهیشتووه‌‌و هه‌روه‌ها تێبینیمان كردووه‌ به‌رهه‌مه‌كانمان سه‌رچاوه‌یه‌كی باشی بحوسه‌كان بووه‌ له‌ زانكۆكاندا،
ئێمه‌ ده‌بێت بزانین ئه‌و كتێبانه‌ی ئێمه‌ ئیشمان تیاكردووه‌ بڵاوبوونه‌ته‌وه‌ بۆ نمونه‌ قوتابخانه‌یفرانكفۆرته‌كان  دو كتێبی تا ئێستا كردووه‌ به‌ كوردی یه‌كێك له‌وانه‌ دیالێكتی رۆشنگه‌ری‌و ئه‌وی دیكه‌ گوتاری فه‌لسه‌فه‌كس «یۆرگن هامبرماس»ه‌ ئه‌مانه‌ كۆمه‌ڵیك كتێبی زۆر گرنگن له‌ خۆرئاوا كراون به‌ كوردی، هه‌ر یه‌كێك له‌مانه‌ به‌ته‌نها په‌یوه‌ندی به‌ئێمه‌وه‌ یان به‌ كۆمه‌ڵگای كوردییه‌وه‌ نیه‌ به‌ڵكوئه‌م تێكستانه‌ بۆ خۆیان تێكستی گرنگن له‌ناو جیهاندا، ئه‌م كتێبانه‌ وه‌ك ئاماژه‌م پێكرد كتێبی بنچینه‌یین، به‌مانای ئه‌وه‌ی ئه‌م تێكستانه‌ له‌ئه‌ساسه‌وه‌ ناكرێت قسه‌ له‌سه‌ر حه‌ره‌كه‌ی ئه‌قلانیه‌ت بكه‌یت به‌بێ كانت ناكرێت قسه‌ له‌سه‌ر قۆناغێكی گرنگی فه‌لسه‌فی بكه‌یت به‌بێ «دیكارت» یان ناكرێت به‌بێ «سپینۆزا» قسه‌ له‌سه‌ر فه‌لسه‌فه‌ بكه‌یت، بۆیه‌ ئێمه‌ش ئه‌م كتێبانه‌مان هێناوه‌ته‌ نێو كتێبخانه‌ی كوردیه‌وه‌ چونكه‌ بۆشاییه‌كی زۆر گه‌وره‌ له‌كتێبخانه‌ی كوردیدا هه‌یه‌، ئه‌وه‌ی ئێمه‌ش له‌وانه‌یه‌ زۆر سه‌ره‌تایی بێت چونكه‌ له‌ راستیدا ده‌قی گرنگتر هه‌یه‌ كه‌ ده‌بێت بكرێت‌و ده‌بێت ده‌زگای تر هه‌ستێت به‌ وه‌رگێڕانی، به‌ڵام به‌گوێره‌ی توانای خۆمان درێغیمان نه‌كردووه‌ له‌ كاره‌كانماندا.
*كێشه‌‌و ئاسته‌نگه‌كانی نێوه‌ندی رۆشنگه‌ری چییه‌؟
_له‌ راستیدا نێوه‌ندی رۆشنگه‌ری نێوه‌ندێكی سه‌ربه‌خۆیه‌ په‌یوه‌ندی به‌هیچ لایه‌نێكی ده‌سه‌ڵاته‌وه‌ نییه‌و به‌گشتی بۆ بڵاوكردنه‌وه‌ی كتێبه‌كانی پشتی به‌ستووه‌ به‌ دۆنه‌رانه‌ی كه‌ كۆمه‌كی ده‌كه‌ن چونكه‌ پرۆژه‌كه‌ له‌ ئه‌ساسه‌وه‌ بۆ سود بخشینه‌ به‌ كۆمه‌ڵگا نه‌ك بۆ سوودی ماددی، كێشه‌ی گه‌وره‌ی ئێمه‌ له‌ ئێستادا ته‌نها كێشه‌ی ئابوریه‌، ئێمه‌ ته‌نها به‌م شێوه‌یه‌ ده‌توانین كاره‌كانی خۆمان بكه‌ین‌و نه‌مانتوانیوه‌ پڕۆژه‌كانمان فراوانتر بكه‌ین، بیركردنه‌وه‌ی زیاترمان هه‌یه‌ له‌سه‌ر هه‌موو ئاسته‌كاندا، چه‌ندینجار ویستوومان موئته‌مه‌ری گه‌وره‌ بكه‌ین به‌ڵام به‌هۆی كێشه‌ی ماددیه‌وه‌ نه‌مانتوانیوه‌، بۆیه‌ له‌ راستیشدا كاتێك ئێمه‌ ده‌توانین ئه‌و كارانه‌ بكه‌ین كه‌ ده‌سه‌ڵات له‌ سه‌ربه‌خۆبوونی ئێمه‌ تێبگات‌و حكومه‌تیش له‌ڕێ وه‌زاره‌تی رۆشنبیریه‌وه‌ بتوانێت پاڵپشتیمان بكات كه‌ تا ئێستا به‌پێی پێویست پاڵپشتی نه‌كراوین، ته‌نانه‌ت ئێمه‌ پڕۆژه‌كانمان له‌سه‌ر ئه‌و دۆنه‌رانه‌یه‌ كه‌ خه‌ڵكانێكی گرنگ له‌ ده‌ره‌وه‌ كۆمه‌كمان ده‌كه‌ن یان خه‌ڵكی ده‌وڵه‌مه‌ندی شاره‌كه‌، به‌ڵێ ئێمه‌ كێشه‌ی تریشمان هه‌یه‌ به‌هۆی ئه‌وه‌ی كه‌ هه‌ڵگری حه‌ره‌كه‌یه‌كی ره‌خنه‌گرانه‌ین له‌ناو پرۆژه‌كانماندا به‌ر یه‌ككه‌وتنمان هه‌یه‌ی له‌گه‌ڵ ده‌سه‌ڵاتدا به‌ریه‌ككه‌وتنمان هه‌یه‌ له‌گه‌ڵ بیرو بۆچوونماندا جییاوازی تایبه‌تیمان هه‌یه‌ له‌گه‌ڵ ئه‌و سیسته‌می به‌ڕێوه‌بردنه‌ی حوكمرانی ده‌سه‌ڵاته‌ی ئێستا له‌كۆمه‌ڵگه‌ی كوردیدا ده‌گوزه‌رێت، جییاوازیمان هه‌یه‌ له‌سه‌ر ئه‌و بیركردنه‌وه‌ شمولییه‌ی له‌ناو كۆمه‌ڵگای كوردییا دێت‌و ده‌ڕوات‌و كاریگه‌ری له‌سه‌ر كۆمه‌ڵگای كوردی هه‌یه‌ ، پڕۆسه‌یه‌كی ره‌خنه‌گرانه‌یه‌ی به‌بده‌ر له‌وه‌ی ئێمه‌  زۆرجار رووبه‌ڕووی موناقه‌شه‌ی گه‌وره‌‌و زۆرجار مه‌ترسیداریش ده‌بینه‌وه‌، كه‌ده‌گاته‌ ئه‌وه‌ی له‌پۆسته‌كانماندا قسه‌مان له‌سه‌ر ده‌كه‌ن.
هێز هه‌یه‌ دژی ئه‌قڵانیه‌ته‌، هێز هه‌یه‌ی ئه‌م تێكستانه‌ی به‌لاوه‌ گرنگ نیه‌ هه‌بن‌و بیركردنه‌وه‌ به‌ ئاراسته‌یه‌كدا ده‌به‌ین كه‌ بیركردنه‌وه‌یه‌كیی‌ خۆرئاواییه‌‌و ئه‌و نمونه‌یه‌ی له‌دنیای مۆدێرنه‌تیدا هه‌یه‌ له‌وانه‌یه‌ لێره‌ قبوڵ نه‌بێت.
باس له‌ گه‌شه‌كردنی بیركردنه‌وه‌ی ئینسان ده‌كه‌ین له‌پانتاییه‌كی ئازادیدا  بۆ ئینسانی كوردی، ئه‌مه‌ بووه‌ته‌ هۆی توشی به‌ریه‌ككه‌وتنی گه‌وره‌بووین له‌محاڵه‌ته‌دا، به‌ده‌رله‌وه‌ی چه‌ندین جار قسه‌مان له‌سه‌ر كراوه‌له‌چه‌ندین شوێندا، به‌ده‌ر له‌وه‌ی رووبه‌ڕوو قسه‌مان له‌گه‌ڵ كراوه‌ له‌كۆڕ‌و كۆبوونه‌وه‌كاندا، یان ره‌خنه‌ی بێماناین لێگرتووین كه‌ له‌ئه‌ساسه‌وه‌ بنچینه‌یی نه‌بووه‌، ئێمه‌ش وه‌كوو كاردانه‌وه‌یك درێژه‌ به‌پڕۆژه‌كانمان ده‌ده‌ین‌و ئومێدمان به‌وه‌ هه‌یه‌ ئامانجه‌كه‌مان بپێكین‌و خزمه‌تێكی گه‌وره‌ی كۆمه‌ڵگای كوردی بكه‌ین ئه‌وه‌نه‌ی بتوانین.
*كارو پرۆژه‌كانی‌ ده‌زگای‌ رۆشنگه‌ری چییه‌ بۆ داهاتوو؟
_له‌ئێستادا ته‌ركیزمان له‌سه‌ر كۆمه‌ڵیك كتێبی گرنگی فه‌یله‌سوفی ئه‌ڵمانی هایدگه‌ره‌‌و ده‌مانه‌وێت ئه‌و پڕۆژه‌یه‌ بێته‌ به‌رهه‌م، له‌سیاغی پڕۆژه‌كه‌ی هایدگه‌ردا ده‌بینین تێكسته‌ گرنگه‌كانی هایدگه‌ری تێدایه‌، بۆ نمونه‌ میتافیزیك چییه‌ شیعر چییه‌، ئه‌مانه‌ كۆمه‌ڵێك تێكستی زۆر گرنگن كه‌ هایدگه‌ر گاریگه‌رییه‌كی زۆر به‌سه‌ر فه‌لسه‌فه‌ی خۆرئاوا‌و ته‌نانه‌ت به‌سه‌ر ئه‌ده‌بی خۆرئاواشه‌وه‌ به‌جێهێشتوو، پرسیاری بوون چییه‌؟ پرسارێكی گرنگه‌ كه‌هایدگه‌ر كردوویه‌تی‌و ئێمه‌ هه‌وڵمان داوه‌ به‌ كۆمه‌ڵێك تێكستی گرنگ ئه‌وه‌ ببێته‌ به‌رهه‌م‌و ئومێدمان وایه‌ له‌ماوه‌ی ساڵێكدا ئه‌و كاره‌ ته‌واو بكه‌ین، وێرای ئه‌و هه‌موو كێشانه‌ی له‌به‌رده‌مماندایه‌ی وه‌ ئه‌و هه‌موو قه‌یرانانه‌ی كه‌هه‌یه‌ به‌ڵام هه‌ر نه‌وه‌ستاوین، وه‌رگێری تایبه‌ت ئیشی له‌سه‌رده‌كات كه‌ ئه‌زموونی باشی  هه‌یه‌ له‌زمانی ئه‌ڵمانیدا هه‌یه‌‌و فه‌لسه‌فه‌ ده‌خوێنێت، دواجار كۆمه‌ڵگا‌و خه‌ڵك‌و دامه‌زراوه‌كان بڕیاڕی له‌سه‌ر ده‌ده‌ن ئه‌مه‌ كاری ئێمه‌ نیه‌، به‌ڵام ئێمه‌ به‌و نه‌فه‌سه‌وه‌ كاری له‌سه‌ر ده‌كه‌ن كه‌به‌هه‌موو كه‌م‌و كورتیه‌كانیه‌وه‌ خزمه‌ت به‌ كۆمه‌ڵگای كوردی بكات.
ده‌بێت ئه‌وه‌ش بزانین ئه‌م ده‌قانه‌ یه‌كه‌مجاره‌ ده‌ستیان بۆ ده‌برێت له‌ناو كۆمه‌ڵگای گوردیدا بۆ نمونه‌ كانت قاتیعه‌یه‌كی گه‌وره‌یه‌ له‌ناو مێژووی فه‌لسه‌فه‌دا دابڕانێكی گه‌وره‌یه‌ له‌ناو مێژووی فه‌لسه‌فه‌دا، زۆر جار ده‌ڵێن فه‌یله‌سه‌فه‌كانی پیش كانت‌و دوای كانت، ئه‌م تێكسته‌ له‌ته‌مه‌نی 300 ساڵه‌ی خۆیدا هێشتا نه‌كراوه‌ به‌كوردی ئه‌مه‌ یه‌كه‌م ئه‌زموونه‌ لزمانی ئه‌ڵمانیه‌وه‌ كردوومانه‌ به‌كوردی، ئه‌و وه‌رگێڕه‌ی كاری وه‌رگێڕانی بۆ ده‌كات خۆی چه‌ند ساڵێك فه‌لسه‌فه‌ی خوێندووه‌‌و زمانی ئه‌ڵمانی خوێندووه‌، هه‌وڵیشمانداوه‌ كه‌مترین كیشه‌ی زمانه‌وانی تێدا بێت له‌گه‌ڵ ئه‌وه‌شدا ئه‌وه‌ی ئێمه‌ سه‌ره‌تایه‌كه‌.
من هیوادارم رۆژێك بێت نه‌وه‌كانی دوای ئێمه‌  ئه‌م تێكستانه‌ به‌ جوانتر بكه‌ن‌و ئێمه‌ به‌كه‌م‌و كورتیه‌وه‌ ده‌ستمان بۆ بردبێت ئه‌وان به‌ كه‌م‌و كورتیه‌كانه‌وه‌ ئه‌وان كه‌م‌و كورتیه‌كان پڕبكه‌نه‌وه‌ چونكه‌ هیچ خوێندكارێكی زانكۆكانی كوردی هیچ تاكیكی كۆمه‌ڵگه‌ی كوردی فه‌رقی نیه‌ له‌گه‌ڵ خوێندكار‌و تاكه‌كانی تری دنیادا كه‌ به‌دڵی خۆیان هه‌موو تێكستێكیان له‌به‌رده‌ستدایه‌‌و تێكستی گه‌وره‌ی بیركردنه‌وه‌یان لبه‌ردستدایه‌ هه‌روه‌ها كلتووری زه‌خمی گه‌وره‌ی فه‌لسه‌فیان له‌به‌رده‌ستدایه‌ هیچیان له‌ئێمه‌ كه‌متر نییه‌، ئه‌وه‌ی ئێمه‌ ده‌یكه‌ین ئامانجداره‌ بۆ ئه‌وه‌ی هه‌مان كلتوور‌و هه‌مان بیركردنه‌وه‌‌و تێكست له‌به‌رده‌م تاكی كوردیدا بێت له‌ هه‌موو بواره‌كاندا‌و ئومێدمان هه‌یه‌ كه‌ شتێك بكه‌ین.
print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

دواین ئه‌فسانه‌ی دونیا

فاروق هومه‌ر رۆژێك لای هاوڕێیه‌كم ئاره‌زوویه‌كی دێرینی خۆمم دركاند، ئه‌و ...