سەرەکی » وتار » لەتیف فاتیح فەرەج‌ » كەریمی ئەلەكە

خورجە

كەریمی ئەلەكە

1
مامۆستا قانعی شاعیر لە بەیتێكدا دەڵێت :
خزمەتت ناكەم نەڵێی مەلەكە
ئەبم بە پیاوی كەریم عەلەكە
جا بیرم نیە دەڵێت « پیاوەتیت ناكەم « یان دەڵێت خزمەتت ناكەم، گوایە فریشتەی رزق و رۆزی ئەوە بە خودا دەڵێت، قانع بە مەبەستی چاكە كاری ئەلەكە ئەوەمان نیشان دەدات، كەریمی ئەلەكە وەزیری ئابوری مەلیك بووە، بۆ لە دواجاردا كوردستانی جێهێشتوەو رۆیشتوەتە بە غداو لەوێ‌ سەری ناوەتەوە، گێڕانەوەی جیا جیا هەن، بەڵام كە س ناتوانێت نكوڵی لەوە بكات كە چاكە خوازو خەمخۆری خەڵكی دەسكورت بووە، لەو بارەیەوە چیرۆكی جیاواز باس دەكرێن، گوایە لە گرانیدا 1916-1917 دەرگای هەموو كۆگای خواردنەكانی بە ڕووی خەڵكی شاردا كردوەتەوە، بۆ ئەوەی خەڵك بتوانن بژین .
2
كەریمی ئەلەكە چاك بووە یان نا، ئەوە گرنگە كە ناوی بە چاكە خواز ڕۆیوە، دیارە پیاوێكی ژیرو كراوەش بووە، لەو بارەیەوە لە گەڵ شێخ كورتە وت و وێژێكی هەیە بە شێخی گوتوە لە خودا گەڕێ‌ و خەریكی دەوڵەتەكە بە، ئەمەیان لە سەر زیكری شەوانەی شێخ و دەستەو دایەرەكەی بووە، ناو رۆیشتن بە چاكە هەر وا ئاسان نیە، لە رۆژگارێكدا خراپە زۆر ترن تەشەنە دەسەنێ‌ و بڵاو دەبێتەوە و كڕیاری زۆرە تا چاكە، من بڕوام وایە ئەگەر ئەلەكە خراپەیەكی كردبا ئێستا زۆری پێوە نرابوو، بە تایبەت كە ئەو موسوڵمان نەبووە، ئاخر پیرە مێردیش لە خۆڕا ناڵێ‌ « قسەی بەد زۆر كەس پۆستە چیە بۆی «.
كەریمی ئەلەكە بواری قسەی بەدی نەداوە، بۆیە ناوبانگی چاكە خوازێكەی راستەو هیچ گومانێك هەڵناگرێت .
3
كەریمی ئەلەكە كاری چاكەی زۆری كردووە لە سلێمانی و بە داخەوە وەك پێویست قسەی لە سەر نەكراوە، ئەلەكە ناوی « عەبدولكەریم ئەلیاس « بووە لە ساڵی 1867 لە سلێمانی لە دایك بوەو باوكی بازرگانێكی گەورەی گەنم و لۆكە بووە، لە 10ی -10ی 1922 بووەو بە وەزیری دارای لە حكومەتەكەی مەلیكا، لە رۆژی 25ی كانونی دوەمی 1948 لە بەغدا كۆچی دوای كردوەو و هەر لەوێش نێژراوە .
كەریمی ئەلەكەتا بڵێی پیاوێكی نیشتمانی و بە هەڵوێستیش بووە، ساڵی 1913 كە كونسڵی روسیا دێتە سلێمانی لە بەر هەڵوێستە نیشتمانیەكانی ئەلەكە نە ئامادەیە بڕوات سەری لێدات، نە ڕێگە بەو ئەدات بێتە سەردانی.

 399 جار بینراوە