سەرەکی » هەواڵ » مەلا بەختیار: كۆمەڵەی خوێندكاران ئەركێكی دوورودرێژی لەسەرشانە

مەلا بەختیار: كۆمەڵەی خوێندكاران ئەركێكی دوورودرێژی لەسەرشانە

لەسلێمانی، مەلا بەختیار لێپرسراوی دەستەی كارگێڕی، پێشوازییكرد لەلقی كۆمیتەی زانكۆكانی كۆمەڵەی خوێندكارانی كوردستان‌و رایگەیاند: كۆمەڵەی خوێندكاران یەكێكە لەڕێكخراوە هەرە باش‌و پیشەیی‌و دیموكراسییەكان، لە 43 ساڵی تەمەنیدا مێژوویەكی ئێجگار جوانی بۆ خۆی تۆماركردووە.
لەسەرەتای دیدارەكەدا، مەلا بەختیار، وێڕای دەربڕینی پیرۆزبایی یادی 43 ساڵەی دامەزراندنی كۆمەڵەكەیان، ئاماژەیكرد بەچۆنێتی‌و هەولومەرج‌و سەرەتاكانی دامەزراندنی كۆمەڵەی خوێندكارانی كوردستان‌و وتی: جموجۆڵی خوێندكاران لەدوای ساڵی 1975 بەهێزبوو، لەدوای رێككەوتننامەی جەزائیر‌، پێش هەموو چین‌وتوێژەكانی تر، خوێندكارانی كوردستان ئاڵای بەرەنگاریی‌و خەبات، ئاڵای كوردایەتیی نوێیان هەڵكرد، دوای كۆتاییهاتنی شۆڕش، هەموو كۆڕو كۆبوونەوەیەكی ئەو سەردەمە، هونەری، ئەدەبی، شیعر‌و هەر پێشانگایەكی هونەری بكرایەتەوە بەشێوەیەكی خۆڕسك، خوێندكارانی كوردستان، كە سلێمانی چەقەكەی بوو، یان بەخۆپیشاندان یان بەسروود، یان بەتەحەددا، یان بەشیعر خوێندنەوە چالاكییەكەیان كۆتایی پێدەهێنا.
ئەوەشی خستەڕوو باشترین دروشم لەدوای راپەڕین، كە بووە شانازییەكی گەورە بۆ كۆمەڵەی خوێندكاران، «بەرەو خوێندنی هاوچەرخ» بوو، كە هیچ رێكخراوو یەكێتییەكی تری خوێندكاری ئەو رەچەیەی نەشكاند‌و دواتریش وەزارەتی پەروەردەو حزبە سیاسییەكان هاتنەسەر ئەو باوەڕەی كە فەلسەفەی پەروەردە دەبێت بگۆڕدرێت.
لەكۆتاییشدا، مەلا بەختیار، ئەوەی پێڕاگەیاندن كە كۆمەڵەی خوێندكاران، ئەركێكی دوورودرێژی لەسەرشانە، كە پێویستە بەهەمان رۆحیەتی سەرەتای دامەزراندنییەوە، درێژە بەخەبات‌و چالاكییەكانی بدات.

print

 63 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*