Knwe.org کوردستانی نوێ
1
مەیل دیسان مەیل
دڵ پڕە لە مەیل
دڵ كەیلە لە خەم
لەبەر مەیلی لەیل
لەیلی من وەتەن
منم مەجنونی
هەردولا توش بووین
كزی و زەبوونی
بەشیر موشیر ئوستادێكی شیرین و قسەخۆشێكی رەنگین وكورد پەروەرێكی بە تین بوو، ئەو پێی وابوو ئەو نەك لە بەغدا، تەنانەت لە هەموو لایە و لەو « ئەمەریكە « یەش بەناو دەنگەو ئەوی نەیناسێ دەبەنگە، ئەو خەمی كوردی بوو، خەمی درشت و وردی بوو، بە خۆی دەگوت ئەمین لەبری ئەمن، تواناوتاقەتی كوردانەی ناهات لە بن، هەموو دال لە پێشەكانی بەغدا، لەبەردەمی دەوەستان، كە ئەو دەردەكەوت هەڵدەستان، نەخشەی دەوڵەتی دادەنا، رەگ و ریشەی ناجۆری و خۆخۆری لە رەگەوە هەڵدەكەنا، ئوستاد، ئوستادی زۆر بوو، ئەوانی دی بۆیان دەنوسی و ئەو تەئلیفی دەكرد، لە بەر هەمو كوردپەروەرێ دەمرد.
2-دكتۆر جەمال نەبەز دەیگوت، ئەو قیبلەی ئامالە بە دكتۆر عێزەدینی دەگوت لۆرەنسی كورد، ئەو نایگوت عێزەدین و دەیگوت عێزەت،دكتۆر جەمال لە بارەیەوە دەنووسێت « پیاوێكی وەك ئوستاد لە كوردا هەڵنەكەوتوەو لەوانەشە هەڵیشنەكەوێتەوە «ئەو هەق پەرستە بە ناو دەنگە لەبەغدا بە نێوی بەشیر موشیری بەرگدروەوەگوتاری دەنووسی و دەیوەشاند، بۆیان دەنووسی، جا برا ئەو بۆ نووسینی بۆ چیە خۆی بنووس و ئوستادو وەستاودەستڕەنگین، دەڵێنستران عەبدوڵاش بۆیە لەوماوەیەدا چووەتە بەغدا تا باوڵەكەی ئوستادوماكینەی جلدورینەكەی وەدۆزێ و لە نوسینو داڕشتنا دەستڕەنگینی بنوێنێ، ئەها ماوەیەكە وتاری بە تین و تاوی كوردانە دەنووسێت و خۆی داوەتە بەرتیری رۆژگاری ئاراستەكراوی سینگی كچان و كوڕانی كورد كە بە عەشق دەچن بە بەرەو پیری مەرگەوە.
3-تەرەفداری سیپارەی هەقپەرستی
وەك شاهی جیهان بن ونەهێن نوشوستی
جا ئەو بەشیر موشیرە گەورەیە هەمیشە دەبێت بگەڕێینەوە بەر ئاستانەكەی و ئامۆژگاریەكانی، ئامۆژگاریەكانی لە سیپارەی هەقپەرستیدا بگرینە گوێ، بیكەینە مەشخەڵی ڕێ، تا ئەو كاتەی دەگەینە هەوارو جێ، ئەو لەپێشەكی دیوانی ئەدەبدا بە ئێمە دەڵێت « بۆ گەلی لێقەوماوی كورد ئێستا لە هەمووشت پێویستتر ئەوەیە، بۆ زانین وخوێنەواری تێبكۆشین «هەروەها دەڵێت « مرۆڤ بەرلە هەر شت دەبێت خۆی بباتە ریزی كەسانی شایستەوە «
ئەو دەفەرموێت :
دڵ پڕ پەژارە
وەتەن غەمبارە
هیلاك و ماندوو
كەوتوم لەم شارە
هەروەها زۆری شتی دیكەی تەئلیف كردووە، بە ئومێدی ئەوەی مەشخەڵەكەی بە مردنی چراكانی نەكوژێتەوە.
59 جار بینراوە
