سەرەکی » ئاراستە » تەحسین تەها قوتابخانەیەكی هونەری پەڕاوێزخراو

تەحسین تەها قوتابخانەیەكی هونەری پەڕاوێزخراو

نەوزاد هلۆری – ئامێدی

ئیحسان ئامێدی كەسایەتیی ناسراوی پارێزگای دهۆك و شارۆچكەی ئامێدی، نیگەرانی خۆی لەمەڕ گرنگینەدان بە هونەری تەحسین تەها دەربڕی و گوتی، لە ڕۆژێكی وەك ئەمڕۆ لە هۆڵەندا هونەرمەندی گەورەی كورد تەحسین تەها كۆچی دوایی كرد، بەڵام ئەوەی نیگەرانی كردووین ئەوەیە كە وەك پێویست گرنگی بە هونەری ئەو هونەرمەندە گەورەیە نەدراوە.
هەروەها گوتی، هونەرمەندی كۆچكردوو تەحسین تەها كە دەیان گۆرانیی ناوازەی بۆ هونەری كوردی گوتووە وەك «ملەتێ‌ مە نامرە، كاروانێ‌ مەیێ‌ ب رێڤە، شنی و تازیا شەهیدان، نەورۆزە، تو خەون بووی هەمی گاڤا، دایێ‌ وەلات شیرینە» و چەندانی تر، ئەو گۆرانییانە لە ساتەوەختی بەرپابوونی شۆڕش و ڕاپەڕینەكان گوتراون، كەچی دەبینین ئێستە پەراوێز خراوە و بایەخی پێ نادرێت.
تەحسین تەها لە ساڵی 1941 لە شارۆكەی ئامێدی لە بنەماڵەیەكی كوردپەروەر لە دایك بووە، لە ساڵی 1960 چووەتە پەیمانگەی هونەرە جوانەكانی بەغدا‌. بەهۆی گۆرانییە نیشتمانییەكانی چەندان جار زیندانی كراوە، لە نێوان ساڵانی 1960 ـەوە تا 1970 زیاتر لە 120 گۆرانی لە ڕادیۆی كوردی لە بەغدا تۆمار كردووە.
ئەگەرچی بەشێك لە هونەرمەندانی پارێزگای دهۆك دەستیان بە نوێكردنەوەی گۆرانییەكانی هونەرمەند تەحسین تەها كردووە. بەڵام وەك پێویست نەبووە، هونەرمەند هەشت ئەلبوومی گۆرانیی هەیە و تا ئێستە هیچ لێكوڵینەوەیەك لەسەر بەرهەمەكانی نەكراوە.
تەحسین تەها ساڵی 1994 بە مەبەستی وەرگرتنی چارەسەری تەندروستی، چووەتە ئەوروپا و لە 28 ئایاری 1995 لە هۆڵەندا كۆچی دوایی كرد و دواتر لە ڕێوڕەسمێكدا لە گۆڕستانی شارۆكەی ئامێدی بە خاك سپێردرا.

سەرچاوە: wishe.net

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

پێشمه‌رگه‌ی هه‌ڵمه‌تبه‌ری‌ شاخ و پارێزه‌ری‌ ئارامیی شار

ئالان حه‌مه‌جه‌زا سه‌وڵجانی‌ یه‌كێتیی نیشتمانیی كوردستان شۆڕشگێڕترین حزبه‌ كه‌ زۆرترین ...