سین جیم

سین: عیلاقەی بەینی برادەرانی سەرەوە چۆنە؟.
جیم: قوربان ئەوەندە گەرمە بە دەستگرەشەوە ناوێرن تەوقە لەگەڵ یەكتریدا بكەن.
* * *
سین: بەلای تۆوە چی زۆر عەیبە؟.
جیم: ریشت پڕۆفیسۆری بێ‌، بەڵام كە لەئاودەست هاتیتە دەرێ‌ دەستت نەشۆی.
* * *
سین: چی لە كیم كارداشیانەوە فێربووی؟.
جیم: ئینسان قنگی رەشی بێ‌ بەڵام بەختی رەش نەبێ‌.
* * *
سین: باشترین كاڵا كە هەقە وەزارەتی بازرگانی هاوردەی بكات بۆ هەرێم چییە؟.
جیم: مەجموعەیەكی باش موزاهەرەچی لەبەغداوە.
* * *
سین: تەنیایی چییە؟.
جیم: ئەوەیە لەو هەموو عالەمەدا كەسێك نەبێ‌ بۆت بمژێ‌.. سۆندەی ناو بەرمیلی نەوتەكە.
* * *
سین: قورسترین پرسیار كامەیە؟.
جیم: چیتە.
* * *
سین: لە سی و یەكی ئاب كە ئێوە ئاوارەبوون چییان بەسەردا تەوزیع كردن؟.
جیم: سانتی.
سین: ئەی لە بومەلەرزەكەی پێراردا؟.
جیم: هەر سانتی.
* * *
سین: نیشانەكانی گەندەڵی چین؟.
جیم: نیشانەی لەكوێ‌ بوو! خۆ گرانەتا نییە.
* * *
سین: كێ‌ بەدرۆوە ئەڵێ‌ رەش و رووتم؟.
جیم: بابا تاهیری عوریان.
* * *
سین: ئەم هەرێمە لەچی ئەچێ‌؟.
جیم: تڕێلەیەك مەكینەی مۆسكۆڤیچی لەسەربێ‌.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*