سەرەکی » مانشێت » خۆپیشاندەران پەنا بۆ داخستنی كێڵگە نەوتییەكان و بەندەرەكان دەبنپەڕە 3

قوربانییەكان 12 هەزار كەسیان تێپەڕاند

خۆپیشاندەران پەنا بۆ داخستنی كێڵگە نەوتییەكان و بەندەرەكان دەبن

لەدوای مانگرتن لە شەقامەكان و شوێنە گشتییەكان، پەنا بۆ داخستنی كێڵگە نەوتییەكان و بەندەرەكان دەبەن كە بە شادەماریی ئابوری وڵات دادەنرێن، ئەمەش لەكاتێكدایە كە ژمارەی قوربانییەكان لە پێكداهەڵپژانی نێوان خۆپیشاندەران و هێزە ئەمنییەكان روو لە زیادبوون دەكەن و 12 هەزار كەس تێدەپەڕێنن.
بەپێی میدیاكانی عیراق، هەینی رابردوودا ژمارەیەك لە خۆپیشاندەران، كێڵگەی بازرگانی نەوتییان لە پارێزگەی میسان داخست.
بە گوێرەی هەواڵ، خۆپیشاندەران رێگەیان لە كرێكاران و كارمەندانی گێڵگەگە گرتبوو بچنەوە سەر كارەكانیان، ئەوانی لەنێو كێڵگەكەشدا بوون، هەوڵیاندابوو كێڵگە بەجێبهێڵن.
هەر هەمان رۆژ سەرچاوەیەكی ئەمنی لە بەسرە ڕایگەیاندبوو، خۆپیشاندەران دەروازەی بەندەری ئوم قەسریان داخست و لەبەردەمی دەروازەكەدا ڕادەوەستان و ڕێگە نادا دەروازەكەی بكرێتەوە “تا ئەو كاتەی داواكارییە میللییەكان دەهێنرێنەدی”.
سەرچاوەیەكی ئەمنی لە 1ی تشرینی یەكەمی 2019 بە میدیاكانی عیراقی راگەیاندبوو”دەیان خۆپیشاندەر لەبەردەم دەروازەی بەندەری ئوم قەسر لە بەسرە ڕاوەستاون و دەروازەی بەندەرەكەیان داخست”.
ئەو سەرچاوەیە كە نەیویستووە ناوی خۆی ئاشكرا بكات دەڵێت”خۆپیشاندەران تەئكیدییان لەسەر بەردەوامبوونی خۆپیشاندانەكان و مانگرتن كردووەبووە، تا ئەو كاتەی داواكارییە میللییەكان دەهێنرێنەدی”.
ئەم هەنگاوەی خۆپیشاندەران، زیانی ئابوری بە وڵات دەگەیەنێت و بە هەنگاوێكی بی پێشینەش لە تەوژمی خۆپیشاندانەكانی عیراقدا دەدەنرێت كە لە سەرەتای مانگی تشرینی یەكەمی ڕابردووەوە دەستیپێكردووە.
ئەم هەنگاوەی خۆپیشاندەران، لەلایەن هێزە ئەمنییەكانەوە بە توندی وەڵام درایەوە و بەهۆیەشەوە ژمارەیەك بوونە قوربانی.
لەبارەی قوربانییەكانی خۆپیشاندەران و دوایین ئامار كە لەلایەن كۆمسیۆنی باڵای مافەكانی مرۆڤ ی عیراقەوە بڵاوكرایەوە»قوربانییەكان لە 2ی تشرینی دووەمی 2019دا 12 هەزار كەسیان تێپەڕاند.
فەیسەڵ عەبدوڵڵا، ئەندامی كۆسیۆنی باڵای مافەكانی مرۆڤ لە لێدوانێكیدا بۆ میدیا عیراقییەكان رایگەیاندبوو» بەپێی دوایین ئامار لە خۆپیشاندانەكاندا لە 1ی مانگی ڕابردووەوە تا ئێستا، زیاتر لە 260 كەس كوژراون و 12 هەزار كەسیش بریندار بوون.
بە گوتەی ئەو ئەندامەی كۆسیۆنی باڵای مافەكانی مرۆڤ»هۆی خۆپیشاندانەكانەوە نزیكەی 100 باڵەخانەی حكومی و بارەگای حزبە سیاسییەكان سووتاون».
فەیسەڵ عەبدوڵڵا دەڵێت» كۆمسیۆنەكەیان بە ئاستەم توانیویەتی زانیاری بەدەست بهێنێت لەرێگەی گروپەكانی چاودێری خۆیەوە، كە لە سەرجەم پارێزگاكانی عیراق جگە لە هەرێمی كوردستان بڵاوبوونەتەوە».
ئەندامەكەی كۆمسیۆنی مافەكانی مرۆڤ لە عیراق پێیوایە»هەردوو وەزارەتی تەندروستی و ناوخۆ هیچ یارمەتییەكیان نەداون بە پێدانی زانیاری» ئاماژەی بە ئامانجی كۆمسیۆنەكەش كردوو كە «لەڕێی بڵاوكردنەوەی ئامارەكانەوە دەیەوێت ئاستێك بۆ توندوتیژییەكان و كەوتنەوەی قوربانییەكان، دابنێت».

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*