سەرەکی » زانست » ئه‌وه‌ی قازانجی كرد كۆمپانیای عه‌لی بابا بووپەڕە 1

له ‌ڕۆژی جیهانیی سینگڵه‌كاندا

ئه‌وه‌ی قازانجی كرد كۆمپانیای عه‌لی بابا بوو

له‌ڕۆژی جیهانیی سینگڵه‌كان‌و به‌ماوه‌یه‌كی كه‌م چینییه‌كان یه‌ك ملیار دۆلاریان خه‌رج كرد.
پێگه‌ی ڕه‌سمی ( عه‌لی بابا ) كه‌ پێگه‌یه‌كی ئه‌لكترۆنی كڕین و فرۆشتنه‌ ئاماژه‌ی به‌وه‌داوه‌ شه‌وێك به‌ر له‌ ڕۆژی جیهانیی سینگڵه‌كان كه‌ ده‌كاته‌ ڕۆژی (11ی تشرینی دووه‌م) چینییه‌كان له‌ڕێگه‌ی كومپیوته‌ر‌و مۆبایله‌كانیانه‌وه‌ و له‌ ماوه‌ی 63 چركه‌دا بڕی یه‌ك ملیار دۆلاریان خه‌رج كردووه‌ و زۆرترینی ئه‌و شتانه‌شی كڕیویانه‌ ئامێره‌ ئه‌لكترۆنییه‌كان و جل‌و پێڵاو و كه‌لوپه‌لی ناو ماڵ بووه‌.
به‌پێی ئه‌و پێگه‌یه‌، ساڵانه‌ شه‌وێك پێش ڕۆژی جیهانیی سینگڵه‌كان گه‌وره‌ترین كه‌مكردنه‌وه‌ له‌جیهاندا بۆ كاڵاكان ده‌كرێت، خه‌ڵكێكی زۆریش له‌ ڕێگه‌ی مۆبایله‌وه‌ و به‌ شێوه‌یه‌كی ئۆنلاین سوود له‌و كه‌مكردنه‌وانه‌ ده‌بینن.
ماوه‌ی چه‌ند ساڵێكه‌ گرووپی كۆمپانیاكانی (عه‌لی بابا) و چه‌ند كۆمپانیایه‌كی دیكه‌ی چینیی له‌ 11ی نۆڤه‌مبه‌ردا كه‌ به‌ڕۆژی جیهانیی سینگڵه‌كان ناسراوه‌، سوود له‌و هه‌له‌ وه‌رده‌گرن و له‌ ڕێی ئۆنلاینه‌وه‌ كاڵاكان ده‌فرۆشن وقازانجێكی گه‌وره‌ ده‌كه‌ن، چونكه‌ ئه‌و ڕۆژه‌ له‌ ڕۆژێك بۆ خۆشحاڵكردنی ئه‌و كه‌سانه‌وه‌ كه‌ به‌ ته‌نها ده‌ژین و ژیانی هاوسه‌رێتیان پێكنه‌هێناوه‌ بووه‌ته‌ فیستیڤاڵێك بۆ بازاڕكردن.
ئه‌و شه‌پۆلی كڕینه‌ی چینییه‌كان هێڵی كاڵاكڕینی ئه‌مریكییه‌كانی تێپه‌ڕاند كه‌ له‌ ڕۆژی (هه‌ینی ڕه‌ش) دا سوودی لێده‌بینن و سود له‌كه‌مكردنه‌وه‌ی بازاڕه‌ ئۆنلاینه‌كان و بازاڕه‌كانی دیكه‌ ده‌بینن‌و زۆرترین شتومه‌ك و كاڵا ده‌كڕن ، هه‌روه‌ها زۆرتره‌ له‌ ڕێژه‌ی ئه‌و پاره‌یه‌ی كه‌ له‌هه‌مان كاتی پارساڵدا چینییه‌كان به‌ شێوه‌ی ئۆنلاین خه‌رجیان كردووه‌، به‌ شێوه‌یه‌ك ساڵی ڕابردوو له‌ ماوه‌ی 85 چركه‌دا 7 ملیار یوانی چینی خه‌رج كراوه‌ كه‌ ده‌كاته‌ (یه‌ك ملیار دۆلار).
پێویسته‌ بوترێت: پێگه‌ی ئه‌لكترۆنی(عه‌لی بابا) یه‌كێكه‌ له‌ پێگه‌ ئه‌لكترۆنییه‌ بازرگانییه‌كانی چین كه‌ به‌ ته‌نها نیوه‌ی بازرگانی ئه‌لكترۆنیی ئه‌و وڵاته‌ی له‌ ده‌ستدایه‌.
جیگه‌ی بیرهێنانه‌وه‌یه‌: ڕۆژی جیهانیی سینگڵه‌كان له‌ ساڵی نه‌وه‌ده‌كانی سه‌ده‌ی بیسته‌مه‌دا دانرا و سه‌ره‌تا ئه‌م ڕۆژه‌ به‌ته‌نها له‌چین ناسرابوو كه‌ به‌مه‌به‌ستی خۆشحالكردنی ئه‌وانه‌ بوو كه‌ به‌ ته‌نها ده‌ژین و ژیانی هاوسه‌رێتیان پێكنه‌هێناوه‌، دواتر ئه‌و ڕۆژه‌ له‌ زۆر وڵاتی دیكه‌ی جیهانیشدا كرایه‌ ڕۆژی سینگڵه‌كان و ماوه‌ی چه‌ند ساڵێكیشه‌ له‌ سه‌رانسه‌ری جیهاندا له‌و ڕۆژه‌دا ئاهه‌نگ و ڕێوڕه‌سمی تایبه‌ت ساز ده‌كرێت،

سه‌رچاوه‌: Ghadi news

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*