سەرەکی » وەرزش » تیروپشكی یارییەكانی قۆناغی سێیەمی جامی شای ئیسپانیا راكێشرا

تیروپشكی یارییەكانی قۆناغی سێیەمی جامی شای ئیسپانیا راكێشرا

لە شاری مەدرید تیروپشكی یارییەكانی قۆناغی سێیەمی جامی شای ئیسپانیا راكێشرا كە لەم قۆناغەوە هەر 4 یانە بەشدارەكەی جامی سوپەری ئیسپانیاش بەشدار دەبن.
بەپێی یاسای نوێی جامی شای ئیسپانیا یارییەكان تا قۆناغی پێش كۆتایی بەیەك یاری دەبێت و یارییەكەش لە یاریگای ئەو تیپە دەبێت كە لە خولێكی نزمتر یاخود لە ریزبەندی خراپتر یاری دەكات واتە ئەگەر 2 یانەی خولی پلەیەك روبەڕوی یەكتر ببنەوە یارییەكە لە یاریگای ئەو یانەیە دەبێت كە لە ریزبەندی لە پلەیەكی نزمتر بێت.
بەهۆی یاسای نوێی پاڵەوانێتییەكەش ئەو 4 یانەیەی بەشداری جامی سوپەریان كرد لە قۆناغی سێیەمەوە بەشداری یارییەكان دەكەن كە روبەڕوی 4 یانەی پلە 2 یاخود پلە 3ی ئیسپانیا دەبنەوە.
لە ئەنجامی تیروپشكەكەشدا یانەی بارسێلۆنا روبەڕوی یانەی ئیبیزا دەبێتەوەو یانەی ڤالێنسیای پاڵەوانی وەرزی رابردووش روبەڕوی لاگرۆنیس دەبێتەوە.
یانەی ریاڵ مەدریدی پاڵەوانی جامی سوپەریش بەرامبەر بە یانەی یونیۆستاس سلامانكا دەبێتەوەو یانەی ئەتلەتیكۆ مەدریدیش روبەڕوی یانەیەكی تری پلە 3 دەبێتەوە.
لەنێو یانە گەورەكانی تریشدا یانەی سیڤیا بەرامبەر بە یانەی سیڤیلیا یاری دەكات و یانەی ئەتلەتیك بیلباویش روبەڕوی یانەی ئێلچی دەبێتەوە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*