سەرەکی » هەمەڕەنگ » سلێمانی، پیشا‌نگەیه‌ك له ‌مه‌ترسی مین ئاگادارمان ده‌كاته‌وه‌

سلێمانی، پیشا‌نگەیه‌ك له ‌مه‌ترسی مین ئاگادارمان ده‌كاته‌وه‌

لەبەردەوامی ئەو چالاکییانەی لەسلێمانی بەڕێوەدەچن، لەگەلەری نیشتمانی ئەمنەسوورەکە پیشانگەیەكی هونەری بۆ جەلیل فاتیح كرایەوە، پیشانگەكە تایبەت بوو بە هۆشیاركردنەوەی هاوڵاتیان لە مەترسییەكانی مین و ئاگاداركردنەوەیان لەچوونیان بۆ سەر شاخ و پێدەشتەكان كە نزیكن لە بوونی مین، هەروەها ئاگاداركردنەوەی هاوڵاتیان بە نووسین و هێماكان كە ئاماژەن بەبوونی مەترسیەكانی مین.
لەمبارەیەوە جەلیل فاتیح رایگەیاند:خۆم لەبواری نەهێشتنی میندا كاردەكەم، لەڕێگەی ئەم پیشانگەیەوە ویستم پەیامێك ئاراستەی هاوڵاتیان بكەم، ئاگادار و هۆشیار لەبەرامبەر مەترسییەكانی نزیكبوونەوەیان لەو شوێنانەی كە هێشتا مینی تێدایەو نەتەقیونەتەوە، بەتایبەت ئەو چیاو دۆڵ و دەشتانەی نزیكن لەسنوور، یان ئەو شوێنانەی كە ناوچەی شەڕی عیراق ئێران بوون، هەروەها ناوچەكانی شەڕی تیرۆرستانی داعش.
هونەرمەند جەلیل فاتیح راشیگەیاند: ئەوانەی بەهۆی مینەوە گیانیان بەخشی، یان بریندار بوون، كەمئەندام بوون، ئەمانە رەنگدانەوەیان بەسەر كارە هونەرییەكانمدا هەیە، هەرچەندە هونەرمەندیش نیم، هیواخوازم پەیامەكەم گەیشتبێتە هاوڵاتیان، با پێكەوە لەپێناو پاراستنی هەموان، هاریكار بین.

لە puk میدیاوە

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*