سەرەکی » هەمەڕەنگ » با پڕۆژە‌ی سه‌د ساڵەی زیره‌ک، پڕۆژە‌ی هه‌موومان بێت

با پڕۆژە‌ی سه‌د ساڵەی زیره‌ک، پڕۆژە‌ی هه‌موومان بێت

ڕێداکسیۆنی فیلم، وێنه‌، دیزاین، کە نووسەر (برایم فەرشی) سەرپەرشتی دەکات، پرۆژەیەکی بەناوی (با پرۆژە‌ی سه‌د ساڵەی زیره‌ک، پرۆژە‌ی هه‌موومان بێت) راگەیاندووەو داوا لە هەر کەس و رێکخراوو ناوەند و لایەنێک دەکات ئەوانەی ‌وێنه‌و ئەرشیفی حه‌سه‌ن زیره‌ک-یان لایە ‌بۆیان بنێرن. ئامانجیش لەمە کۆکردنه‌وه‌ و ئەرشیڤکردنی وێنه‌کانی‌ شه‌خسی و تایبه‌تی و گشتیی حه‌سه‌ن زیره‌که له‌ فۆڕمی دیجیتاڵ و کتێبی وێنه‌ و هه‌روه‌ها رێکخستنی پیشانگەی تایبه‌ت، هه‌تا بتوانرێت به‌یه‌که‌وه‌ بانکی زانیاریی له‌ وێنه‌کانی زیره‌ک سازبکەن و لەسه‌د ساڵه‌ی زیره‌کدا‌ ئەلبوومی تایبه‌تی هونه‌ریی ئاماده‌ بکرێت.

هەروەها رێداکسیۆنی فیلم، وێنه‌، دیزاین، داوادەکات ئه‌م خاڵانه‌ی خواره‌وه‌ رەچاو بکرێت: گه‌ر ئیمکانی هه‌بێ وێنه‌ی سه‌ره‌کی بنێردرێ.

1- شێوەی وێنه‌کان باش بن، واتە ئەگەر وێنەی چاپکراوی کۆنە، بەکوالیتیی (300 dpi) سکان بکرێت و بە PDF بنێردرێت.

2- تکایه‌ وێنه‌کان وه‌ک خۆیان بنێرن و به‌ هیچ به‌رنامه‌یه‌ک رە‌نگ و وێنه‌کان مه‌گۆڕن.

3- تکایه‌ وێنه‌ی(چه‌ند که‌سی) هه‌ر وه‌ک خۆی بنێرن و که‌سانی تر که‌ لەوێنه‌که‌دا هه‌ن، ده‌رمه‌هێنن.

4- گه‌ر شوێن و ساڵی گرتنی وێنه‌کان ده‌زاندرێ، ئاماژە‌ی پێبدرێ.

5- تکایه‌ خۆتان له‌نووسینی سه‌ر وێنه‌کان، یان مۆر و لۆگۆ خستنه‌ سه‌ریان بپارێزن.

6-گه‌ر ناوی وێنه‌گ‌ر ده‌زاندرێ، ئاماژە‌ی پێبکرێ، لە زۆربەی وێنە چاپکراوە کۆنەکاندا ناو یان لۆگۆی وێنەگر لە پشتی وێنەکان مۆر کراوە، ئەگەر وێنەگەرەکە لە ژیاندا ماوە پرسی پێ بکرێت و تەلەفۆن، ئیمەیڵ یان هەر ئامرازێکی پەیوەندیی تری کە هەیە بۆ ئێمەی بنێرن.

7-گه‌ر ناوی که‌سه‌کانی وێنه‌ی (چه‌ند که‌سی) ده‌زاندرێ، ناوه‌کانیان بنووسرێ.

هەروەها رێداکسیۆنی فیلم، وێنه‌، دیزاین، کتێبی ئەلبوومی سه‌د ساڵه‌ی زیره‌ک، که‌ به‌ شێوه‌یه‌کی هونه‌ریی و باش له‌ چاپده‌درێ، پێشکه‌شی ‌وێنەگەرەکان ده‌کات. هه‌روه‌ها ناوی هه‌موو ئه‌و که‌سانه‌ی خاوه‌نی سه‌ره‌کیی وێنه‌کان بن، له‌کتێبه‌که‌دا رادەگەیەنرێت و مافی کۆپی رایتی کەسەکە پارێزراو دەبێت. بێگومان هه‌موو ئه‌و که‌سانه‌ی به‌شداریی ئه‌م هه‌ڵمه‌ته‌ ده‌بن، سوپاسنامه‌ی تایبه‌تیی سه‌د ساڵەی زیره‌کیان به‌ فه‌رمی بۆ ده‌نێردرێت.

 

لەڕێگەی ئەم ئیمەیڵانەوە زانیاری زیاتر بزانە:

«braym «e.farshy@arcor.de

redaktion@rojhalat.de

پرۆژە‌ی 100 ساڵه‌ی زیره‌ک – ڕێداکسیۆنی فیلم، وێنه‌، دیزاین.

print

 133 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*