سەرەکی » مانشێت » ھاوسەرۆکی یەکێتی، جەژنی لای پێشمەرگە قارەمانەکان کرد

ھاوسەرۆکی یەکێتی، جەژنی لای پێشمەرگە قارەمانەکان کرد

بەیانی ئەمرۆ، بەمەبەستی جەژنە پیرۆزە، لاهور شێخ جەنگی هاوسەرۆكی یەكێتیی نیشتیمانیی كوردستان، لیوای یەكی پیادەی هێزی پێشمەرگەی كوردستانی لە شارۆچكەی قەرە هەنجیری سەر بە پارێزگای كەركوك بەسەركردەوە.

لەو سەردانەدا لاهور شێخ جەنگی، لەگەڵ پێشمەرگە و فەرماندەكاندا بەشداریی خوانی جەژنی كرد و پیرۆزبای جەژنی لەسەرجەم فەرماندە و هێزەكانی پێشمەرگەی كوردستان و سەرجەم موسوڵمانان كرد و رایگەیاند: لەپەروەردگاری مەزن دەپاڕێینەوە كە ئەم بۆنە پیرۆزەمان بۆ بكاتە دەروازەی خۆشی ‌و خۆشەویستی ‌و خۆشگوزەرانی و ئەم بۆنەیە لەگەڵ خۆیدا ئەم دۆخە چەقبەستوە تێپەرێنێت و ئایندەیەكی گەش بێنێتە ئاراوە كە شایستەی كۆمەڵانی خەڵكی كوردستانبێت.

دواتر لە كۆبوونەوەیەكدا لاهور شێخ جەنگی لە بارودۆخی هێزەكانی پێشمەرگەی كۆڵییەوە و رایگەیاند: پێشمەرگە هێما و ناسنامەی گەلی كوردە و ئەو ئازادیی و دەستكەوتانەی ئەمرۆ بە خەباتی دوور و درێژیی هێزی پێشمەرگەی كوردستان و بە خوێنی هەزاران شەهیدی ئەم گەلە هاتۆتەدی، ئەمرۆش پێشمەرگە پارێزەری خاك و گەلی كوردستانە و بەپێی دەستووری عێراقیش هێزێكی نیزامیە، هەر بۆیە هەموومان شانازیی بە هێزەكانی پێشمەرگەوە دەكەین.

لەبەشێكی تری كۆبوونەوەكەدا لاهور شێخ جەنگی تەئكیدیكردەوە: لەسەر باشتركردنی ژیان و گوزەرانی پێشمەرگە و دابینكردنی پێداویستیەكانیان و بەڵێنیدا كە وەك چۆن لە رابردوودا بە هەموو توانایەكەوە پشتیوانی هێزەكانی پێشمەرگە بووە، ئاواش لە داهاتوودا پارێزەر و داكۆكیكارێكی سەرسەخت دەبێت بۆیان، لەپەیامێكیشدا بۆ خەڵكی كەركوكی قودسی كوردستان هاوسەرۆكی یەكێتی رایگەیاند وەك هەمیشە لەگەڵ كەركوكییەكان دەبین.

 351 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*