سەرەکی » هەواڵ » مه‌كته‌بی شه‌هیدان، خانه‌واده‌ی سه‌ركرده‌ی نه‌مر جه‌بار فه‌رمان به‌سه‌رده‌كاته‌وه‌

مه‌كته‌بی شه‌هیدان، خانه‌واده‌ی سه‌ركرده‌ی نه‌مر جه‌بار فه‌رمان به‌سه‌رده‌كاته‌وه‌

له‌ یادی 13 ساڵه‌ی كۆچی دوایی سه‌ركرده‌ و فه‌رمانده‌ی قاره‌مان هه‌ڤاڵ (جه‌بار فه‌رمان)دا مه‌كته‌بی شه‌هیدان و تێكۆشه‌رانی یه‌كێتیی نیشتمانیی كوردستان، خانه‌واده‌ سه‌ربه‌رزه‌كه‌ی به‌سه‌رده‌كاته‌وه‌.

ئه‌مڕۆ 10/8، بورهان سه‌عید سۆفی لێپرسراوی مه‌كته‌بی شه‌هیدان و تێكۆشه‌ران، به‌هاوڕێیه‌تیی خاتوو چرا عومه‌ر به‌رپرسی بۆردی شه‌هیدان و مامۆستا ئیكرام به‌رپرسی بۆردی تێكۆشه‌ران، له‌ یادی 13 ساڵه‌ی كۆچی دوایی (جه‌بار فه‌رمان)دا، سه‌ردانی (سه‌بیحه‌ خان)ی خێزانی و خانه‌واده‌ تێكۆشه‌ره‌كه‌یان، كرد. له‌وته‌یه‌كیشدا، لێپرسراوی مه‌كته‌بی شه‌هیدان و تێكۆشه‌ران، رۆڵ و خه‌باتی سه‌ركرده‌و فه‌رمانده‌ی قاره‌مانی گه‌له‌كه‌مان و یه‌كێتیی نیشتمانیی كوردستان (جه‌بار فه‌رمان)ی به‌رزنرخاندو وه‌فاو رێزی مه‌كته‌بی شه‌هیدان و تێكۆشه‌رانی (ی.ن.ك)ی بۆ خانه‌واده‌ تێكۆشه‌ره‌كه‌یان دووپاتكرده‌وه‌.

لای خۆیشییه‌وه‌ (سه‌بیحه‌ خان)، خۆشحاڵیی خۆی و خانه‌واده‌كه‌یانی بۆ به‌سه‌ركردنه‌وه‌یان ده‌ربڕی و سوپاسی وه‌فدی مه‌كته‌بی شه‌هیدان و تێكۆشه‌رانی كرد.

print

 517 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*