سەرەکی » زانست » تووی (ئاسایی) بۆ چارەسەركردنی پەتای كۆرۆنای نوێ

تووی (ئاسایی) بۆ چارەسەركردنی پەتای كۆرۆنای نوێ

دوو زانای كەنەدی ماوەیەكە لیكۆڵینەوە دەكەن لەسەر كاریگەرییەكانی تووی (ئاسای) لەسەر كەمكردنەوەی نیشانەكانی توشبوون بە ڤایرۆسی كۆرۆنا.

لەهەوڵێكدا بۆ دۆزینەوەی چارەسەرێكی گونجاو بۆ ڤایرۆسی كۆڤید-19 ، دوو توێژەری كەنەدیی سەرقاڵی توێژینەوەیەكن لەسەر سوودەكانی تووی ئاسای بۆ كەمكردنەوەی نیشانەكانی ئەو پەتایەی بە هۆی ڤایرۆسی كۆرۆناوە تووشی مرۆڤ دەبێت، چونكە بە پێی چەند توێژینەوەیەكی پێشتر بەری درەختی تووی ئاسای كە دارێكی هاوشێوەی دارخورمایە و بنەچەكەی ئەمریكای ناوەراست و باشوورە، دەبێتە هۆی كەمكردنەوەی جۆرەكانی هەوكردن.

(مایك فاركۆ)و (ئانا ئاندریتسای) هاوكاری ماوەی (5) ساڵە خەریكی توێژینەوەن لەسەر ئەو جۆرە میوەیە و كاریگەرییەكانی لە چارەسەركردنی صەندین جۆری هەوكردن، بۆیە ئەو دوو توێژەرەوەیە بڕیاریانداوە كە هەمان ئەو میوەیە بۆ چارەسەری پەتای كۆڤید-19 بەكاربهێنن.

هەردوو توێژەرەوەكە دەڵێن» بۆیە ئەو میوەیەیان هەڵبژاردووە، چونكە هەرزانە و بەئاسانی دەست دەكەوێت و هیچ كاریگەرییەكی خراپیشی لەسەر تەندروستیی نییە».

توێژەرەوەكان ئاماژەشیان بەوە داوە كە ئەو میوەیە هەمان ئەو پرۆتینانە دەكاتە ئامانج كە بە(تەنۆلكەی هەوكردنی –NLRB3- )ناسراون و ڤایرۆسەكەش دەیانكاتە ئامانج، بەڵام كاتێك ئەو پرۆتینانە بە هۆی ئەو میوەیەوە چالاك دەبن ئیدی دەتوانن بەرەنگاریی هەموو جۆرە هەوكردنێك ببنەوە.

هەردوو توێژەرە كەنەدییەكە بە نیازن بەردەوام بن لە كارەكانیان و لە كۆتایی ئەمساڵدا دەرنجامی توێژینەوەكەیان بخەنە ڕوو.

بە گوێرەی سەرچاوە ئاگادارەكان، گەر ئەو توێژینەوەیە ئەنجامی باش بەدەست بهێنێت ڕەنگە میوەی تووی ئاسای كە بە زۆریی لە بەرازیل دەڕوێت ببێتە یەكێك لە چارەسەركان و بۆ كەمكردنەوەی ئەو هەوكردنە بێت كە بە هۆی ڤایرۆسی كۆرۆناوە كەسەكان تووشی دەبن.

سەرچاوە: الصحە والحیاە

print

 129 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*