سەرەکی » هەمەڕەنگ » ئاوڕێك بۆ سلێمانی

چوخم

ئاوڕێك بۆ سلێمانی

لە یادی 236 ساڵەی شاری سلێمانی پێویستە لە باتی پیرۆزبایی ئاوڕێكی جدی لە سلێمانی بدرێتەوە كە رەنگە ئەم دەستەواژەیە زۆر لایەن بگرێتەوەو زۆر قسەش هەڵبگرێت. راستە لەم چەند مانگەی رابردوودا لەسلێمانی هەست بە ژیانەوەیەك دەكرێت لە هەندێ‌ رووی ژیارییەوە، هەرچەندە سلێمانی خۆی لەزۆر رووەوە شارێكی زیندوو گەشاوە بووەو بەهەموو دۆخەكانەوە هەر جوانە.

هەندێجار زۆر دیاردە پێویستی بە راگرتنە، پێویستی بە هێزێكە لەسەر شەقام بڵی بەسە، بڵی ئەم شەقامە تەنها موڵكی تۆ نییە، رۆحی ئەو خەڵكە هەروا ئاسان نییە تۆ چۆنت بوێت وا شۆفێری بكەیت و دواتر بڵێت قەزاو قەدەرە، پێویستە هێزێك هەبێت هەموو سەرپێچیكەران راگرێت، ناكرێت لە شارێكی وا زیندوودا كار بگاتە ئەوەی لەسەر هاواری دۆفرۆشێك دووكەس ببێتە قوربانی، راستە دۆخی ژیان قورسەو رەنگە هەندێ‌ هاوكاری پێویست بێت بۆ ئاسانكردنی باری ژیانی خەڵك، بەڵام كە دۆخ گەیشتە زیانگەیاندن بەئارامی گشی دەبێت بوەستێت، دەبێت بە شۆفێری هەرچی بەرپرسی گەورەو بچووكە بوترێت ئێرە سلێمانییە، تكایە پابەندی یاسابە هەڵمەكوتەسەر شۆفێری پێش خۆت، لەكاتێكدا بەپرسەكەت لەگەڵ نییە، پێویستە ئەو گەشەكردنەی لەسەردەمی ئیدارەی سلێمانی لە 1997 هەتا 2005 بەخۆیەوە بینی بۆی بگەڕێتەوەو ئەو پشتگوێخستنەی ماوەی رابردوو كۆتایی پێ بهێنرێت، پڕۆژەكان بگەشێنەوەو كارو كەسابەت ببوژێتەوە، لەگەڵ هەموو ئەمانەشدا سلێمانی دڵگیری خۆی لەدەست نەداوە، بیریشمان نەچێت سلێمانی تاكە شاری ئازادی ناوچەكەیە كە هەموو دەنگ و رەنگەكان تێدا ئازادن.

 58 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*