سەرەکی » ئەدەب - سێبەر و سایە » بنه‌ما هونه‌رییه‌كانی شانۆی منداڵان، له‌ زارۆخانه‌ و خوێندنگاكان

بنه‌ما هونه‌رییه‌كانی شانۆی منداڵان، له‌ زارۆخانه‌ و خوێندنگاكان

خه‌لیل عه‌لی
كتێبی بنه‌ما هونه‌رییه‌كانی شانۆی منداڵان، له‌ زارۆخانه‌ و خوێندنگاكان. تازه‌ترین كتێبی چاپكراومه‌، له‌ بواری په‌روه‌رده‌ و هونه‌ر. ویستومه‌ له‌ رێگه‌ی ئه‌م كتێبه‌وه‌ مێژووی شانۆ له‌ دیرۆكی شه‌ش هه‌زار ساڵ له‌مه‌وبه‌ره‌وه‌ ده‌ست پێده‌كات تا ده‌گاته‌ سه‌رده‌می پۆستمۆدێرنه‌ بخه‌مه‌ڕوو. دواتر‌ باس له‌ هونه‌ری شانۆی منداڵ ده‌كات و قۆناغ و بنه‌ماكانی ئه‌م هونه‌رم ته‌ی كردووه‌. كتێبه‌كه‌ له‌ دووتوێی 600 لاپه‌ڕه‌دا نووسراوه‌و له‌ نۆ به‌ند پێك هاتووه‌. به‌ندی یه‌كه‌م مێژووی شانۆ له‌ سه‌رده‌می میدییه‌كان، زه‌رده‌شت، سۆمه‌رییه‌كان، بابلییه‌كان، كه‌نعانییه‌كان، هیندییه‌كان، چینینییه‌كان، یابانییه‌كان، یۆنانییه‌كان، میسرییه‌كان، رۆمانییه‌كان خراوه‌ته‌ڕوو. دواتر رێبازه‌كانی شانۆ باس كراوه‌و له‌ سه‌رده‌می كلاسیكه‌وه‌ تا رێبازی باڕۆك، كلاسیكی هاوچه‌رخ، رێبازی رۆمانسی، رێبازی راستیگه‌رایی، رێبازی سروشتگه‌رایی، رێبازی هێماگه‌رایی، رێبازی ده‌ربڕینخوازی، رێبازی سوریالی، رێبازی بێهوده‌یی راڤه‌و شیكاری دروستی بۆ كراوه‌. له‌ به‌ندی سێیه‌م: چه‌مك و ده‌سته‌واژه‌ شانۆییه‌كان كاری له‌سه‌ركراوه‌:
1-هونه‌ری دیته‌نی و بینراو. 2- هونه‌ری جوڵه‌. 3- دراما. 4- شانۆ. 5-نواندن (رۆڵبینین). 6-ئه‌كته‌ر (رۆڵگێڕ). 7-ده‌سته‌ی گۆرانی (كۆرس). 8-ململانێی درامی. 9-پاككردنه‌وه‌ (خاوێنكردنه‌وه‌). 10- مه‌نه‌لۆگ. 11- ریتمی شانۆیی.
به‌ندی چواره‌م: ئه‌م بابه‌تانه‌ له‌خۆ ده‌گرێت:
شانۆی پانتۆمایم یان هونه‌ری نواندن، قۆناغه‌كانی گه‌شه‌كردنی ئه‌م هونه‌ره‌، هونه‌ری دراماو پانتۆمایم، هێماكاری پانتۆمایم، مۆنۆدراما، دووه‌م ده‌ركه‌وتنیلا مۆنۆدراما، تایبه‌تمه‌ندییه‌كانی مۆنۆدرلاما، بالیێ، گه‌شه‌كردن و سه‌رهه‌ڵدانی هونه‌ری بالیێ، بنه‌ماكانی سه‌مای بالیێ، سووده‌كانی سه‌مای بالیێ، جۆره‌كانی بالیێ، ده‌ریاچه‌ی سه‌قاقوش، جوڵه‌ له‌ شانۆدا.
به‌ندی پێنجه‌م: له‌م بابه‌تانه‌ پێكدێت:
ئه‌ركی زارۆخانه‌، ئامانجی زارۆخانه‌، راهێزانی منداڵ و ئاراسته‌كردنیان، ئامانجی سه‌ره‌كی زارۆخانه‌:
ئامانجی زارۆخانه‌، زارۆخانه‌ی تایبیه‌ت، به‌های بنه‌ڕه‌تی زارۆخانه‌، منداڵ و منداڵییه‌تی، به‌شداری منداڵ، هاریكاری خێزان، زارۆخانه‌ وه‌ك ده‌زگه‌یه‌كی فێركاری، ژینگه‌ی زارۆخانه‌، منداڵ وه‌ك تاك، زارۆخانه‌ بۆ منداڵی نه‌ته‌وه‌ و دینی جیاواز، له‌ش- جوڵه‌- ساخڵه‌م.
به‌ندی شه‌شه‌م: ئه‌م بابه‌تانه‌ له‌خۆ ده‌گرێت:
منداڵی كوردو شانۆ، پێشبار، گرنگی شانۆی منداڵان، پێكهاته‌ سه‌ره‌كییه‌كانی هه‌ڵچنینی دراما له‌ شانۆی منداڵان، (بیرۆكه‌- بابه‌ت- ته‌كنیك (داڕشتن)- كه‌سێتییه‌كان، ململانێ، دیالۆگ (گفتوگۆ). ئه‌ده‌بی شانۆی منداڵان: شانۆگه‌ری زگماكی، شانۆی فێركاری. گرنگترین جۆره‌كانی شانۆی منداڵان، جۆره‌كانی شانۆ له‌ رووی شوێنه‌وه‌، شانۆی زارۆخانه‌ و فێرگه‌، ئه‌و هۆكارانه‌ی به‌رده‌ستن له‌ شانۆی منداڵاندا، ئامانجه‌كانی شانۆی منداڵان، جیاوازی نێوان شانۆی منداڵ و شانۆی فێرگه‌، یه‌كه‌م: شانۆ و شانۆی منداڵ، دووه‌م: پێكهاته‌و ره‌گه‌زه‌كانی نمایشی شانۆی منداڵ: (ده‌ق- نوسه‌ر، نواندن- ئه‌كته‌ر، ده‌رهێنان- دیدی ده‌رهێنه‌ر، پێكهاته‌ی سینۆگرافیا – ته‌كنیكی نمایش).
به‌ندی حه‌وته‌م: له‌م بابه‌تانه‌ پێكدێت:
هونه‌ری نواندن و پرۆسه‌ی په‌روه‌رده‌، ژێده‌ر و بابه‌ته‌كانی شانۆی زارۆخانه‌، رۆڵی دراما له‌ په‌روه‌رده‌كردنی منداڵ، گرنگی شانۆی گه‌وره‌ساڵان بۆ منداڵان، شانۆی منداڵان بۆ گه‌وره‌ساڵان، كاریگه‌رییه‌كانی دراما له‌سه‌ر منداڵ، تایبه‌تمه‌ندییه‌كانی دراما له‌ زارۆخانه‌، ئه‌و بنه‌ما سه‌ره‌كیانه‌ی دراما پشتی پێده‌به‌ستێ، ئه‌و كێشه‌ سه‌ره‌كییانه‌ی دێته‌ به‌رده‌م بنه‌ماكانی دراما، جۆره‌كانی درامای منداڵ، جۆره‌كانی درامای منداڵ: چیرۆك، تایبیه‌تمه‌ندییه‌كانی چیرۆكی منداڵ، ئامانجه‌كانی چیرۆكی منداڵ، پێوانه‌كانی هه‌ڵبژاردنی چیرۆك، ئه‌و هۆكارانه‌ی پێویستن بۆ نمایشی گێڕانه‌وه‌ی چیرۆك، تایبه‌تمه‌نییه‌كانی چیرۆكخوانی باش، یاسا بنه‌ڕه‌تییه‌كانی گێڕانه‌وه‌ی چیرۆك، ئه‌و كێشانه‌ی روبه‌ڕووی چیرۆكخوان ده‌بێته‌وه‌، پێكهاته‌ په‌روه‌رده‌ییه‌كانی چیرۆك، جیاوازی نێوان شانۆو چیرۆك، رۆڵگێڕان، جۆره‌كانی رۆڵگێڕان، ئه‌و توخمه‌ سه‌ره‌كییانه‌ی پێویسته‌ له‌ ئه‌كته‌ردا هه‌بێت، تایبه‌تمه‌ندییه‌كانی رۆڵگێڕان، لایه‌نه‌ په‌سه‌نده‌كانی رۆڵبینی منداڵ له‌ زارۆخانه‌، گرنگی رۆڵگێڕان، لایه‌نه‌ باش و خراپه‌كانی رۆڵگێڕان، پلاندانان و جێبه‌جێ كردن.
به‌ندی هه‌شته‌م: له‌م بابه‌تانه‌ پێكدێت:
شانۆی پڕۆگرامی، گرنگی كه‌ره‌سته‌ په‌روه‌رده‌ییه‌كانی شانۆی پڕۆگرامی، خاڵه‌ گرنگه‌كانی شانۆی پڕۆگرامی، ئه‌و ئامانجانه‌ی له‌ شانۆی پڕۆگرامیدا به‌ده‌ستدێن: (رووی هونه‌ر، رووی فێركاری، رووی په‌روه‌رده‌یی، رووی جه‌سته‌یی، رووی كۆمه‌ڵایه‌تی، رووی ده‌روونی).هه‌نگاوه‌كانی شانۆی پڕۆگرامی، ئاسته‌نگه‌كانی شانۆی پڕۆگرامی، ئامانجه‌كانی شانۆی پڕۆگرامی، پلانی وانه‌.
به‌ندی نۆیه‌م: ئه‌م ته‌وه‌رانه‌ له‌خۆده‌گرێت:
بنه‌ما گشتییه‌كانی شانۆی منداڵ، بنه‌ما هونه‌رییه‌كانی شانۆ منداڵ، ئه‌و بابه‌تانه‌ی پێویسته‌ له‌ شانۆی منداڵدا هه‌بێت، پیشه‌ی شانۆی منداڵ، تایبه‌تمه‌ندییه‌كانی شانۆی منداڵ، شانۆی بوكه‌ڵه‌ له‌ زارۆخانه‌و خوێندنگاكان، گرنگی شانۆی بوكه‌ڵه‌ له‌ زارۆخانه‌و خوێندنگاكان، ئامانجی شانۆی بوكه‌ڵه‌ له‌ زارۆخانه‌و خوێندنگاكان، جۆره‌كانی نمایشی شانۆی بوكه‌ڵه‌.
له‌كۆتاییدا، سه‌رجه‌م ئه‌و سه‌رچاوانه‌ خراوه‌ته‌ڕوو كه‌ له‌و كتێبه‌دا به‌كارهاتوون.
ئه‌م كتێبه‌ له‌م شوێنانه‌ ده‌ستده‌كه‌وێت:
سلێمانی: كتێبخانه‌ی غه‌زه‌لنووس، كتێبخانه‌ی یادگار.
كۆیه‌: كتێبخانه‌ی هه‌ژار.
هه‌ولێر : كتێبخانه‌ی ئاوێر.
رانیه‌: كتێبخانه‌ی ئارام.

 165 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*