سەرەکی » دۆسێ » دەبنە هۆی هەڵگیرساندنی جەنگ لەگەڵ ئێران؟

ئایا ئەركە نهێنییەكانی ئەمریكا لە سوریا و عیراق

دەبنە هۆی هەڵگیرساندنی جەنگ لەگەڵ ئێران؟

وەرگێڕانی لە ئینگلیزییەوە: زانا ڕەنجدەر

ڕووداوێكی باسنەكراو لە ساڵی 2017 دەبێتە ڕەنگدانەوەی مەترسی پلانە نوێیەكانی ترەمپ.
ڕووداوێك لە سوریا دوو ساڵ بەر لە ئێستا كە نزیك بوو میلیشیاكانی سەر بە ئێران لەكاتی گواستنەوەدا لەگەڵ هێزەكانی ئەمریكادا ڕوبەڕوو ببنەوە ، ئەمەش دەرخستنی ئەو ڕاستییە بوو كە تەنانەت ڕووداوێكی بچوكیش دەكرێ‌ (گۆمەكە بشڵەقێنێ‌).
ڕووداوەكان ئاشكرایان كرد، كە بۆ یەكەمجارە بە ڕاستی و ڕاشكاوی دەركەوێ‌، هێشتنەوەی هەندێ‌ لە هێزەكانی ئەمریكا لە سوریا و عێراق پلانی ترەمپە بۆ چاودێری كردنی چالاكییەكانی ئێران.
هەندێ‌ لە چاودێران و كەسایەتی فەرمی ئەمریكا بڕوایانوایە گۆڕانكاری لە ئەركەكانی هێزەكانیاندا دەكرێ‌ ببێتە هۆی هەڵگیرسانی جەنگی نێوان ئەمریكا و ئێران، كە لە هەمان كاتدا دەكرێ‌ ببێتە پێچەوانەی دەستووری ئەمریكا.
سەرۆك دۆناڵد ترەمپ لە دیسەمبەری 2018دا ڕایگەیاند كە ئەوان هەموو هێزەكانی ئەمریكا لە سوریا دەكشێننەوە، بەڵام چەند سەرچاوەیەكی بەڕێوەبەریی مانگی ڕابردوو بە (فۆرین پۆلیسی) یان ڕاگەیاند كە ترەمپ هێزێكی بچووك دەهێڵێتەوە لە باشووری سوریا، دوور لە پاشماوەكانی دەوڵەتی ئیسلامی‌و بۆ چاودێری ئێران، هەروەها لە چەند ڕۆژی ڕابردوودا ڕایگەیاند كە هێز لە عێراقیش دەهێڵێتەوە بۆ هەمان مەبەست.
ترەمپ لە پرۆگرامی Face The Nationی كەناڵی CBS ڕایگەیاند: من ئەمەوی توانای چاودێریم هەبێ‌ لەسەر ئێران، هەروەها وتی: ئێمە پێشتر چاودێریمان كردووە و بەردەوام دەبین. لە هەردوو وڵاتەكە ستراتیجەكە گۆڕانكاری بەرچاوی بەسەردادێ‌، كە پرسیاری زۆر دروست ئەكا دەربارەی ئەركە سەرەكییەكەی سوپای ئەمریكا لەو ناوچانە.
كاتێك كە سەرۆك باراك ئۆباما هەموو هێزەكانی لە عێراق لە ساڵی 2011 دا كشاندەوە ،كۆتایی بە جەنگی 2003ی عێراق هێنا، بەڵام دەركەوتنی داعش لە ساڵی 2014 هەلێكی دایەوە بە ئەمریكا بۆ بڵاوكردنەوەی هێزەكانی لە هەردوو وڵات، كە لەگەڵ هێزە سەربازییەكانی تردا شەڕی چەكدارەكانیان كرد. ستراتیجەكە چییە؟ ئەگەرەكانی هێرش كردن چین؟ چۆن خۆمان لابدەین لە شەڕێكی هەرێمی كە خۆمان هۆكاری نین؟ ئەمانە ئەو پرسیارانەن كە (كێڵی ماگسامان) جێگری سەرۆكی سەنتەری چالاكی ئەمریكا بۆ ئاسایشی نەتەوەیی و نێودەڵەتی لە قسەكانیدا وروژاندی، هەروەها وتی: ئەگەر من ئەندامێكی خزمەتكار بم لەسوریا دەمەوی بزانم كاری من لەوێ‌ چی بووە وچۆن ئەركەكەی من گۆڕاوە بۆ ستراتیج؟ ئەو ڕووداوەی لە 2017 دا روویدا ، كە ئێستا بۆ یەكەمجارە باسدەكرێ‌، لە بنكەیەكی سەربازی ئەمریكا بوو كە بە (تەنەف) ناسراوە كە نزیك بوو لە ڕێگای سەرەكی هاوكارییە ماددیەكانی ئێران بۆ بەشی باشووری ڕۆژهەڵاتی سوریا، لە مانگی 5ی 2017 دا كە ناوچەكە بە هەستیارترین كاتدا تێدەپەڕی، كە پێش چەند هەفتەیەك ئەمریكا موشەكی بەرنامەكراوی ئاراستەی بنكەی ئاسمانی(شوعەیرات)ی سەر بە ڕژێمی سوریا كرد لە وەڵامی هێرشە كیمییایەكەی ڕژێم بۆسەر شارۆچكەی (خان شەیخون).
شەوی 8ی ئەپریل بنكەی ( تەنەف) كەوتە بەر هێرشی چەكدارانی داعش، لەو شەڕەدا سێ‌ چەكداری سوری سەر بە ئەمریكا كوژران.
ئەم حاڵەتی شپرزەییە لە چەند هەفتەی دواتردا بەردەوامی هەبوو ، لە شەوی 9ی ئایاردا ڕوسیا هێرشێكی ئاسمانی لە دووری 14 میل لە بنكەی ( تەنەف ) ئەنجامدا‌و بەڕاددەیەك نزیك بوو كە سەربازەكانی ئەمریكا گوێبیستی دەنگی هێزە ئاسمانییەكان بوون، بەپێی قسەی شارەزایەكی بەرگری ئەمریكا كە بەبێ‌ ئاشكراكردنی ناسنامەی خۆی لە كۆبوونەوەیەكی گرنگدا بۆ هەنگاونانی ئەمریكا، بەرپرسەكانی ئاگادار كردەوە كە دەبێ‌ بە زووترین كات گفتوگۆ لەگەڵ مۆسكۆ بكەن بۆ ئەوەی فڕۆكەكانیان لە دووری 55 كیلۆمەتری بازنەیی لە بنكەكەیانەوە هێرشەكانیان ئەنجام بدەن بۆ دڵنیایی سەلامەتی سەربازەكانی ئەمریكا.(سەرەتا ڕێككەوتنەكە دەربارەی هێرشی ئاسمانی بوو بەڵام دوای ماوەیەك ڕایانگەیاند كە ئەمە ناوچەی ئێمەیە)، ئەمە وتەی شارەزایان بوو دەربارەی ناوچەی دژەفڕینەكە. دوای چەند ڕۆژێك هێزێكی تایبەتی رژێمی سوریا هات (كە پێدەچوو پەیوەندی لەگەڵ ئێران یان حیزبووڵڵای لوبناندا هەبێت)، لە ڕێگای هەوڵە نێوەندگیرییەكانی ڕووسیاوە بە فەرماندەكانی ئەمریكایان راگەیاند كە ئەوان بە نیازن بە ڕێگای( ئەلتەنەف)دا بپڕنەوە بۆ بەیەكگەیشتنیان لەگەڵ هێزێكی تایبەتی سەر بە ئێران لە عێراق كە بەرەو سنوور دەڕۆیشتن.بەڵام بنكەی سەرەكی هێزی ئەركە تایبەتەكانی ئۆپەراسیۆنی (ئینهێرنێت ڕیسۆڵڤ) وەڵامی داواكارییەكەی نەدانەوە.

سەرچاوە: فۆرین پۆلیسی

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

راپرسی گشتی ئامرازێک بۆ سەربەخۆیی گەلان

ئەم بابەتە توێژینەوەیەکی زانستی بارام ئیبراهیم-ە کە پێشکەش بە کۆلێژی ...