سەرەکی » ئابووری » قسەیەك لەسەر كرێكاران

قسەیەك لەسەر كرێكاران

ئەحمەد محەمەد سەعید

بە مێژووی دروستبوونی سیستمی سەرمایەداری‌و گەورەبوونی هەژموونی دەسەڵاتی ئەم سیستمە لەچوارچێوەی هێزێكی ئابووریی گەورەو زەبەلاحدا كە لەشێوەی رژێمێكی سیستماتیك‌و رێكخراودا، دەسەڵاتی خۆی بەسەر كەلوپەل‌و بازاڕدا سەپاند بەشێوەیەك كە بەرهەم‌و پێویستییە سەرەكی‌و سەرەتاییەكانی بە هێزو بازووی كرێكاران بە قورسترین كار و لەبەرامبەر كرێیەكی كەمدا كە لەتوانای دابینكردنی پێویستی رۆژانەی كرێكارەكەشدا نەبوو چ جای خانەوادەكانیان.
بەپێچەوانەوە هەر كاتێك فشارە جەستەیی‌و دەروونییەكان لەسەر كرێكاران زیاتر دەبوون تا رادەی بڕست لێبڕان، دەنگی ناڕەزایی كرێكاران لەبەرامبەر ئەو نادادپەروەرییە لە زۆری بەرهەم‌و كرێی كەم زیاتر دەبوو.
دەسەڵاتی كاپیتالستەكان رۆژ دوای رۆژ بەرهەم‌و سەرمایەی ئەوانی زیاتر دەخستەسەروو سێبەری ستەمی سەرمایەداران تۆختر دەبووەوە، كرێكارانیش لەبەرامبەر ئەو فشارە زۆرەی سەرمایەداراندا هەوڵی خۆڕێكخستنیان دا تا كار گەیشتە گردبوونەوەو دەربڕینی ناڕەزایی بەشێوەیەكی رێكخراو لەچوارچێوەی یاداشتێكدا بەشێوازی ئاشتیانە داوای كەمكردنەوەی كاتژمێری كارو پێدانی مافی شایستەیان كرد كە ژیانی خۆیان‌و خانەوادەكانیان دەستەبەر بكات.
بەڵام نەك هەر وەڵامی داواكارییەكانیان نەدرایەوە، بەڵكو كرێكارانی ناڕازی (سوتێنران، دادگایی كران، بەندكران‌و دەركران)، ئەم سزا قورسانە بەبێ گوێدانە بەها كۆمەڵایەتی‌و نامرۆڤایەتیانە بوونە دەستپێكی مێژوویەكی رەشی كاپیتالیستەكان بە پشتیوانی رژێمە سەرمایەدارەكان مێژوویەكی رەشیان تۆمار كرد بە درێژایی سەدو سی ساڵ زیاتر یادی ئەو رۆژە سەختە لەلایەن كرێكارانەوە دەكرێتەوە.
ئەوەی جێگای باسكردنە، ئەمڕۆ كرێكاران لەسەرتاسەری جیهان لەسایەی ئەو ستەمەی سەرمایەداری ریزەكانیان رێكدەخەن لەچوارچێوەی یەكێتی‌و سەندیكا كرێكارییەكاندا وەك رێكخراوێكی بەهێزی كۆمەڵایەتی بەرگری لەمافی چینی كرێكار دەكەن.
كاریگەری ئەم سەندیكا كرێكاریانە ئەوەندە بەهێز بووە دەتوانن كەرتەكانی گواستنەوە یاخود كارگەو كۆمپانیا گەورەكان بووەستێنن‌و لەكاریان بخەن، تا ئەوكاتەی حكومەت یان خاوەن كارگەو كەرتەكان بهێننە سەرمێزی گفتوگۆ.

ئەندامی مەكتەبی تەنفیزی یەكێتیی سەندیكاكانی كرێكارانی كوردستان

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ئێران به‌ ره‌سمی مه‌رزی شوشمێ ده‌ناسێنێت

جــێگری پارێزگاری هـــه‌ڵه‌بجه‌ بۆ كاروباری هــونه‌ری له‌ راگه‌یه‌نراوێكدا ره‌زامه‌ندیی كۆماری ...