سەرەکی » هەمەڕەنگ » جەنگیز یازگی گۆرانییەکی نوێ بڵاودەکاتەوە

جەنگیز یازگی گۆرانییەکی نوێ بڵاودەکاتەوە

هونەرمەند جەنگیز یازگی كە خەڵکی باکوری کوردستانە، بەرهەمێكی نوێی بڵاوكردەوە.

(وارانێش) ناوی بەرهەمە نوێکەی جەنگیز یازگی-یەو تێكستی سەعید عبادەتیانەو دلێر گەمانگەر ئاوازی بۆ داناوەو رۆزبێ موسڵیح دابەشكردنی میوزیكی بۆ كردووە. هەروەها جەنگیز ئەم بەرهەمە نوێیەی پێشكەشی هونەرمەندی كۆچكردوو ئازاد خانەقینی كردووە.

سەبارەت بەم بەرهەمە نوێیەی جەنگیز یازگی رایگەیاندووە: شیعری ئەم گۆرانییە لەلایەن سەعید عبادەتیان-ەوە نووسراوە و پێشتر بەشێوەیەكی كلاسیك ئاوازی بۆ دانراوە، بەڵام من نوێم کردۆتەوەو تایبەتمەندییەكی نوێم پێداوەو بە شێوازێكی خۆرئاوایی سەرلەنوێ وتوومەتەوە.

ئەوەشی راگەیاندووە کە تائێستا بە چەندین شێوەزاری كوردی چەندین گۆرانی وتووەو هەتا بشتوانێت هەوڵدەدات بە هەموو زاراوە كوردییەكان گۆرانی بڵێت.

print

 135 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*