سەرەکی » هەمەڕەنگ » قەزاو قەدەر

چوخم

قەزاو قەدەر

دڵبەند مستەفا

لەم نووسینەدا بەهیچ شێوەیەك ناچمە سەر لایەنە ئاینییەكەی ئەو دەستەواژەیە كە وەك خۆم بڕوای تەواوم بە قەزاو قەدەر هەیە، ئەوەی دەمەوێت باسی بكەم لەژێر ئەم دەستەواژە پیرۆزانەوە رۆژانە چەندین رووداو روودەدات و دەڵێن قەزاو قەدەرە.

ئۆتۆمبێلێكی نوێ و فول مواسەفاتی پێیە و لەسەر شەقامە تەسك و قەرەباڵغ و پڕ چاڵ و چۆڵییەكانی ناو شاردا بەخێراییەكی لە رادەبەردەر و بێگوێدانە هیچ یاساو رێساو عورف و عادەتێك دەڕوات و تووشی رووداو دەبێت، خۆی دەكێشێت بە چەند ئۆتۆمبێلێکی ترداو كەس و كارەكەی دەكەونە سوڵح بۆی دەڵین قەزاو قەدەربوو. نەخێر بۆ ئۆتۆمبێلەكانی تر تۆ بوویت بە بەڵا، قەت ئەوە قەزاو قەدەر نییە هەڵكوتیتە سەر خەڵك و دواتر بڵێیت قەزاو قەدەرە.

رەنگە خوێنەری بەڕێز كە ئەم گۆشەیە بخوێنێتەوە زۆر حاڵەتی لەم شێوەیەی بێتە بەرچاو كە رۆژانە لە شەقامەكانی سەرجەم شارو شارۆچكەكاندا روودەدەن و چەندین قوربانی لێدەكەوێتەوە، بۆیە پێویستە ئەمجۆرە دیاردە زۆر زەقانە كۆنترۆڵ بكرێت كە رەنگە بە كەوتنە كاری كامێرا جێگیرەكان كەمێك كۆنترۆڵ بكرێن، بەڵام پێویستە چارەسەری خێراو سزای زۆر توند بۆ ئەنجامدەرانی ئەمجۆرە كارانە دابنرێت، هەتا چیتر كەسانی بەشداربوو لەمجۆرە كارانە نەبنە قوربانی حەزی چەند كەسێكی تێ نەگەشتوو لە ژیان و بەها پیرۆزەكانی مرۆڤ بوون.

 563 جار بینراوە