ژیان لە نرخ و مانای
حیزب لە پێاوی دانای

كۆمەڵگا لە ئەخلاقی
تشریب، پیاز و لوولاقی

دكتۆرا لە قیمەتی
نەفس، شكۆ و عیزەتی

نەوتەكە لە داهاتی
حكومەت، موئەسەساتی

قەلی ئێستا لە تامی
زابت، هەیبەت و سامی

هەرێم لە موڵكی عامی
مەنصەب لە ئیحترامی

مەحكەمە لە قانوونی
مەعهەد، عیلم و فنونی

وڵات لە گەورە پیاوی
گەڕەك، خەڵكی ناسیاوی

خەستەخانە لە دەرمان
تیجارەت، دین و ویژدان

خانوو، حەمامی گەرمی
جوانیی لە ناز و شەرمی

شیعر لە سیحر و چێژی
وڵات، پیاوی حەقبێژی

كۆڵان، ژنی بەردەرگای
خەبات، ئامانج و رێگای

 661 جار بینراوە