سەرەکی » وتار » دکتۆر شێركۆ عەبدوڵڵا » مێوڵی و دێلێژەپەڕە 26

مێوڵی و دێلێژە

ئەرێ مێوڵی و دێلێژە، گیانە سەرچەشمەی خاوێ

بەخوا میللەت نافەوتێ، قوربان بە هیچ ناپیاوێ

گیانە بۆ خۆت شنەت بێ، هاوار شۆڕەبی ناودێی

ئەرێ ئەوان لێک زیزبن، نەگبەت تۆ هینخۆری کوێی

هاوار قەسەم بە قورعان، هەیڕۆ خەتمی کەلامە

هەرچی دەستی بۆ دەبەیت، بیللا حەقلی ئەلغامە

کوڕە باڵات بە وێنەی، ئازیز نەیجەی شەمێران

وەڵڵا یەکچاو پاشایە، بمرم لە شاری کوێران

لەیلێ جادەکەی بۆکان، عەمرم ژێرەکەی بۆشە

جوانێ لە هەواڵ دەرچوو، بووین بە بنێشتە خۆشە

لێوت ئاڵ و ئاودارە، هەناری هەڵەبجەیە

نەشمیل ئەوەی دەیبینین، بەوخوایە نەتیجەیە

توخوا پێم ئەڵێی خاڵۆ، خاڵۆ لە دەورت گەڕێ

حەرامزادەی سیاسیی لە جۆگا ئەلەوەڕێ

ئازیز هەستە بابیکەین، جوانێ دوو دەست لە گەردن

قیسمێک ئاگریبن کان، قیسمێکیش زۆر نامەردن

ئەرێ تۆ هەر شیرینیت، منیش فەرهادی کێوکەن

ئێوە و خوێنی شەهیدان، دوژمنمان پێ خۆش مەکەن

 448 جار بینراوە