سەرەکی » زانست » خزمەتێكی نوێ لە یوتیوب

خزمەتێكی نوێ لە یوتیوب

لەچەند رۆژی رابردودا بەڕێوەبەرایەتی You Tube ئاشكرایكرد كەخەریكی دامەزراندنی خزمەتێكی تازەن بۆ بەشدارییان لە 100 وڵاتی جیهاندا، ئەویش بریتیەلە پەخشكردنی گرتەی ڤیدیۆی كورت بەناویYoutube Shorts هاوشێوەی ئەوەی كەلە تیكتوكدا هەیەو هەوڵیانداوە بە جوانترو ڕەونەقتر مادەكان پەخش بكەن، قۆناغەكانی ئەزمونیەكان دەستیپێكردوەو لەم رۆژانە بڵاودەكرێتەوە.

ئەو ڤیدیۆ كورتانەی كە لەسەر ئەم سەكۆیە دادەنرێن ماوەكانیان 15 بۆ 20 چركە دەبن و نابێت لە 60 چركە تێپەڕبن، پێشترو بۆ هەریەك لە هیندستان و بەریتانیا و ئەمریكای لاتین و كەنەدا كراوەو لەناوەڕاستی ئەم مانگەشەوە بەشێوەیەكی ئەزمونی لەژمارەیەك وڵاتی ئەوروپی كەوتۆتە كارو لەم رۆژانە بەتەواوی ئەنجام دەدرێت و دەیان ملیۆن دۆلاری ئەمریكی بۆ تەرخانكراوە.

ئەو خاسیەتە تازەیەی یوتیوب لەئەنجامی سەركەوتنی هاوشێوەكەی لە Tik Tokهاتۆتە ئاراوە لە نێو چینی گەنج و لاواندا رەواجێكی زۆری هەیەو یەك ملیار بینەری هەیە، بۆیە یوتوبی ئەمریكیش دەیەوێت ئەو خزمەتە پێشكەش بكات و زۆرترین بەشدار لەخۆی كۆبكاتەوە، ئەو بەشەی كەسەر بە گوگڵە ئاشكرایكرد كە هەوڵ دەدەن هەمیشە داهێنانی تازە لەبواری ئەلیكترۆنیات و بڵاوكردنەوەی ڤیدیۆ بەشێوەیكی جوان پێشکەش بکەن، سەرپەرشتكارانی یوتوب پێشبینی دەكەن كاتێك دەكەوێتەكار ئەو گرتە ڤیدیۆیانە رۆژانە 6 بۆ 7 ملیۆن بینەریان هەبێت و چێژی لێ وەرگرن، لەئەزمونی پێشتریش بۆیان دەركەوتوە كە زۆربەی بەرهەمەكان گۆرانی و كورتە فیلمە، دەشتوانرێت دەنگی بخرێتە سەر بۆئەوی بینەر باشترو جوانتر لێیان تێبگات، بەهەمان ریتمی تیكتوكی چینی لەڕێی مۆبایلەوە كاتێك وەرگر یان بینەر ڤیدیۆیەكی دیاریكراوی بەدڵ نەبێت بەپەنجە فڕێی ئەداو ڤیدیۆی دوای ئەوە جێی ئەگرێتەوەو ئیتر بەردەوام دەبێت.

بەپێی سیستمی ئەم سەكۆیەش هەموو ئەو گرتەڤیدیۆیانەی كە دادەنرێن لەلایەن بەرێوەبەرایەتی و هاوبەشەكانیان یان خەڵكانی ئاسایی سەرەتا دەخرێتە ژێر كۆنترۆڵەوەو سەیری ناوەرۆكەكەی دەكرێت تا دڵنیابن لەوەی ئەو مادەیە نابێتە هۆی پشتیوانی تیرۆرو توندوتیژی و بەلارێدابردنی خەڵك و كوشتوبڕو كاری ناڕەوای دژ بە كۆمەڵگەكان، كاتێك بەو فلتەرانەدا تیپەڕدەبن ئینجا پەخش دەكرێن و بەشداران دەیانبینن.

سەرچاوە: Euronews. Digital

 149 جار بینراوە