سەرەکی » وتار » دەلاقەی لەگرێژنەچوونی باری كۆمەڵایەتی

روانینی دوێنێ و خوێندنەوەی ئەمڕۆ

دەلاقەی لەگرێژنەچوونی باری كۆمەڵایەتی

عەبدوڵڵا عەباس

لە ناوەڕاستی شەستەكانی سەدەی پێشودا لەم وڵاتەی ئێمە و زۆربەی زۆری وڵاتانی ناوچەكە دیاردەیەكی سەرنجراكێش لەناو لاوان و هەرزەكاراندا روویدا، تا ماوەی زیاتر لەساڵێ‌ كۆمەڵ و هەتا لایەنە زانستی و پەروەردەییەكانی سەرقاڵكرد، دیاردەكە قژدرێژكردن بوو لای لاوان و هەرزەكاران و بێشك سەرهەڵدانی ئەمە وەك باوە لەناو كۆمەڵانی رۆژهەڵاتدا بەتایبەتی خەڵكی بەتەمەن و دنیادیدەی سەغڵەتكرد و لەناو زۆر خێزاندا باوك توندڕەوی هەڵبژارد بۆ بەربەستی ئەولادەكانی لە رووكردنە ئەو خووە! وەختی خۆی هەندێ‌ شارەزای كۆمەڵایەتی رایان وابوو كە سەرهەڵدانی ئەم خووە رەنگدانەوەی گەندەڵی و نوشستیەكانی (ئەولیائمورەكان)ی ناوچەكە بوو بەتایبەتی شكاندنی ئیرادەی ئەو دەسەڵاتانە لە دەستەویەخە وەستانەكەیان بەرووی (ئیسرائیل) كە بە نوشستی حوزەیران ناوی دەركرد و بێشك كۆمەڵی كوردەواریش لەرێگەی دوو هوكارەوە كەم و زۆر كاریگەری سەلبی لەسەرمان هەبوو كە لایەنی ئاینی و لایەنی ئینسانی گرتەوە، بەهەرحاڵ سەغڵەت بووە بەتەمەنەكان ئەولاوانەی روویان لەو خووە كرد ناتۆرەی (خەنفوس – كەجۆرێكە لە میروویەكی ناشیرین) یان لێنان كە لەرووی ناتۆرەی كۆمەڵایەتیشەوە (ترسنۆك و هیچ لەبارانەبووش) دەگرێتەوە، كە ململانێی كۆمەڵایەتی لەسەر ئەم دیاردەیە توندبوو، لایەنی رەسمی (تەربیە) و لەناوخێزاندا باوك سزایان بۆ ئەو لاوانە هەڵبژارد، لەهەندێ‌ شوێن (وەك بەغدا ) پۆلیسی ئاداب مەقەستی بەكارهێنا بۆ برینی پرچی هەندێ‌ لەولاوانە!

وەك رۆژنامەنووسێ بەوردی بەدوای ئەو رووداوانەدا دەچووم كە رەنگدانەوەی دیاردەكەبوو، هەڵوێستی كاریگەری بەرپرسیارانە بۆ چارەكردنی ئەو دیاردەیەی بوو بە كێشەیەكی كۆمەڵایەتی لەناوچەكە قسەیەكی سەرۆكی میسر (كۆچكردوو جەمال عەبدولناسر) بوو كە ئاڕاستەی باوكان و بەرپرسیارانی پەروەردەی كرد تیاید وتوی : (بەولاوانە بڵێن لاریمان نیە لەوەی پرچتان دەروێشانە بگاتە سەر شانتان بەڵام دەوروبەرتان دڵنیا بكەن كە ئەوەندە بەپاك و خاوێنی دەیهێڵنەوە نەخۆمان و نە دەوروبەرمان سەغڵەت نەكەین ). پەندێكی خۆمانە ئەڵێی قسەی خۆش بەرد دەكات بەئاو، ئەو كەسانەی ئیختیاری بەرەنگاری دیاردەی سەلبی بە رێگەی سەلبی دەكەن، تەنیا دیاردەكە گرێدار ناكەن بەڵكو دەرگای بۆ دەكەنەوە لەگەڵ رۆژگاردا ببێ‌ بە دیاردەی سەلبی چەسپاو لەكۆمەڵا كە مانای بەردەوامی نا ئارامی لە پەیوەندی كۆمەڵایەتیدا دەكات بە كێشەیەك لەزیانێك زیاتر لە رەوتی پەروەردەو هەتا باری دەروونی و پەیوەندی خەڵكی ناو یەك كۆمەڵ دەگەیەنێ‌.

ئەوەی ئەم رووداوانەمان بیر دەخاتەوە، بەداخەوە خاوی بایەخی لایەنە بەرپرسیارەكانە لە بەتەنگەوە هاتنی بەوردی روانین و بەدوادا چوونی ئەو دیاردانەیە كە لەناو كۆمەڵەكەماندا سەر هەڵئەدەن و نەجێی بایەخن لە لایەنی هوشیاركردنەوەو نە هاتنە دەستی تاوتوێ كردنی …

• دوا قسە :

وەختی موناسیب بۆ چاكردنی بنمیچ، كاتێكە تیشكی خۆر بەرچاوی روونكردبێتەوە.

پەندێكی فەرەنسی

 244 جار بینراوە