سەرەکی » ئاراستە » لە یادی 19مین ساڵیادی شەهیدی فەرماندە حەمەسەراوی و هاوڕێكانیدا

لە یادی 19مین ساڵیادی شەهیدی فەرماندە حەمەسەراوی و هاوڕێكانیدا

نەقیب/ بەرهەم سەراوی

هەڵۆكان هەمیشە بەرەو دوندی بەرزی باڵدەگرنەوە و لەوێدا نەبێت، ئۆقرەناگرن، شۆڕشگێڕەكانیش لە نیشتیمانێكی ئازادا نەبێت ناتوانن بێدەنگبن، ئەوان بە رووی ستەمگەرانداهەڵدەشاخێن و تەختوتەراجیان تێكوپێكدەدەن.
زۆرن ئەوكەڵەپیاوانەی لە رۆژگارە نوتەكەكاندا لە پێناو ئازادی گەلەكەیان بە تولەڕێگەی هاتونەهاتدا گوزەردەكەن و توونە تاریكەكان رۆشندەكەنەوە.
وا لەبەردەم یادی پۆلێك شەهیددا دەوەستین كە باڵایان بەقەد باڵای چیاكان بەرزە، هەموو ژیانیان كردە نەزری چارەنوسی نەتەوەو لەو رێگەیەشدا هەرگیزد رێغییان نەكرد.

لە دەڤەری شارەزوورو هەوراماندا
شەهید حەمەسەراوی وهاوڕێكانی رەمزێكی خەبات و تێكۆشانن لەم دەڤەرەی شارەزوور و هەورامانەدا، هەمووپێدەشت و لێڕەوارەكانی ئەم كوردستانە بەهەنگاوەكانی ئەم شۆڕەسوارانە ئاشنان كە كاتێك بۆئەنجامدانی ئەركی پێشمەرگایەتی لەگەڵ هەڤاڵەكانیان دەجمان.
شەهید حەمەسەراوی فەرماندە و پێشمەرگەبوو، بەتەنهاش ئەركە جەنگیەكەی لە ئەستۆ نەبوو، بگرە لە هەموو پرسە سیاسی و فكری وكۆمەڵایەتییەكانیشدا پارسەنگی هەبوو.
لە رووی سەربازیشەوە كۆمەڵێك تایبەتمەندی كەسایەتییەكەی بەرجەستەكردووە و لە خەڵكانی ئاسایی جیای دەكردەوە، وەك: گیانی خۆبەختكردن، ئازایەتی، دەسوبردی، هۆشیاری و زۆری دیكە.
لە پێش دەستپێكردنی پڕۆسەی ئازادی عیراقدا گروپێكی ئیسلامی سەلەفی جیهادی پەیدابوو بەناوی (ئەنسارولئیسلام) كە لەهەرسێ رێخراوی تیرۆریستی جوندولئیسلام و بزوتنەوەی تەوحید و حەماس پێكهات كە لەناوچەكانی شارەزوور و هەوراماندا بنكەوبارەگایان دانا.
گروپی ئەنسارولئیسلام هەر لەسەرەتاوە وەك تاقمێكی توندڕەوخۆیان ناساند، بەوشێوازە مامەڵەكردن و راگەیاندنەی هەیانبوو هەر زوو دەركەوت چەند تووندڕەون.
دیارە پێشتر سەرانی ئەو گروپە لەگەڵ رێكخراوی تیرۆرستی ئەلقاعیدە دەستیان تێكەڵ كردبوو و لە وێوە تەڵقینكرابوون كە لە سەرشێوازی دەوڵەتی تاڵیبانی ئەوسای ئەڤغانستان
دەوڵەتی ئیسلامی لە كوردوستان درووستبكەن، دەوڵەتێك لەسەر كوشتوبڕ و قەڵاچۆكردنی ئەوخەڵكەی كە ناچێتە ژێر ئاڵای ئەوانەوە، بۆیە لەهەوڵی یەكەمیاندا چ بەبانگەشەكردن لەسەكۆی مزگەوتەكانیانەوە یان بەپیلانگێڕی كەوتنە دژایەتی كردنی حكومەتی هەرێم و حیزبەكانی كوردستان بەتایبەتیش یەكێتیی نیشتمانی كوردستان.
مەترسی ئەو تاقمە بۆ سەر ئاسایشی ناوچەكەو تێكدانی بارودۆخی سیاسی، وای لە هەمووتێكۆشەرێكی ئەم كوردستانەكرد هەڵوەستەی جدی لە سەر ئەو دۆخەبكەن، لە ناویشیانداو بەتایبەت شەهیدی فەرماندە (حەمەسەراوی وهاوڕێكانی) كە هەر لە ساتەوەختی پێكهێنانی ئەوگروپە تیرۆرستییە بڕیاریاندا بەخوێنی خۆیان بەرگری لەماف و ئازادییەكانی خەڵكی كوردستان و ناوچەكە و دەسكەوتەكانی یەكێتیی نیشتمانیی كوردستان و حكومەتی هەرێمیكوردستان بكەن.
ئەوەبوو دواجار لە بەرەبەیانی رۆژی 4/12/2002 لە پێناو ئەو بیروباوڕەیان كە بۆ پاراستنی ئاسایشی شارەزوور و هەورامان و بۆ بنبڕكردنی مەترسی تیرۆر لەسەر تەواوی كوردستان، لە گەڵ ئەو گروپە تیرۆریستییەدا كەوتنە شەڕێكی سەرخت و خوێناوییەوەو نەیانهێشت پیلانی گڵاویان پەلوپۆبكێشێت بۆ ناوچەكانی ترو لەوێش جێگەیان پێ لەق كردن، دیارە هیچ دەستكەت و سەركەوتنێكیش بەبێ نرخ نابێت، هەر بۆیە نرخی ئەم داستانەش بەخوێنی حەمەسەراوی و پۆلێك پێشمەرگەی قارەمان بوو كە بەخوێنی خۆیان بە دوژمنیان وت: ئێرە كوردستانە و جێگەی تیرۆریستانی تێدا نابێتەوە.
درود بۆ رۆحی پاكتان ئەی شەهیدانی پوچەڵكردنەوەی پیلانی تیرۆریستان.

 137 جار بینراوە