سەرەکی » وەرزش » فیدریكۆ كیێزا تا كۆتایی وه‌رز دوور ده‌كه‌وێته‌وه‌

فیدریكۆ كیێزا تا كۆتایی وه‌رز دوور ده‌كه‌وێته‌وه‌

هه‌ریه‌ك له‌ یانه‌ی‌ یۆڤانتۆس و هه‌ڵبژارده‌ی‌ ئیتاڵیا لێدانێكی به‌هێزیان به‌ركه‌وت، ئه‌مه‌ش كاتێك پشكنینه‌كان دوپاتیان كردوه‌ ئه‌و یاریزانه‌ توشی پچڕانی به‌سته‌ری سه‌ره‌كی ئه‌ژنۆی بووه‌ و به‌هۆیه‌وه‌ پێویستی به‌ نه‌شته‌رگه‌ری هه‌یه‌.

كیێزا له‌ یاری به‌رامبه‌ر به‌ رۆما تووشی پێكان هات له‌ ئه‌ژنۆی دا و هه‌رزوو ئاماژه‌ به‌وه‌درا پێكانی ئه‌و یاریزانه‌ قورسه‌ و ماوه‌یه‌كی زۆر دووری ده‌خاته‌وه‌.

دوای ئه‌نجامدانی پشكنینیش یانه‌ی‌ یۆڤانتۆس رایگه‌یاند ئه‌و یاریزانه‌ توشی پچڕانی به‌سته‌ری سه‌ره‌كی ئه‌ژنۆی بووه‌و به‌هۆیه‌وه‌ نه‌شته‌رگه‌ری بۆ ده‌كرێت.

یۆڤانتۆس ته‌نها ئاماژه‌ی به‌وه‌ داوه‌ له‌ چه‌ند رۆژی داهاتوو نه‌شته‌رگه‌ری بۆ ئه‌و یاریزانه‌ 24 ساڵه‌ ده‌كرێت و هیچ ئاماژه‌ی به‌ واده‌ی‌ دووركه‌وتنه‌وه‌ی‌ یاریزانه‌كه‌ نه‌داوه‌، به‌ڵام ماوه‌ی‌ دووركه‌وتنه‌وه‌ به‌هۆی ئه‌و پێكانه‌ له‌ 6 مانگ كه‌متر نییه‌.

به‌هۆی ئه‌و پێكانه‌ش كیێزا ناتوانێت به‌شداری یارییه‌كانی پاشكۆی پاڵاوتن بكات كه‌ به‌ ئه‌گه‌رێكی زۆر له‌سه‌ر بلیتی مۆندیال رووبه‌ڕوی پرتوگال ده‌بنه‌وه‌.

 66 جار بینراوە