سەرەکی » مانشێت » پیرۆزبایی بۆ یادی دامەزراندنی یەكێتیی مامۆستایان

پیرۆزبایی بۆ یادی دامەزراندنی یەكێتیی مامۆستایان

بە بۆنەی یادی (57) ساڵەی دامەزراندنی یەكێتیی مامۆستایانی كوردستان، گەرمترین پیرۆزبایی لە سەرۆك و مەكتەبی سكرتاریەت ‌و ئەندامانی رێكخراوەكە و تەواوی مامۆستایانی كوردستان دەكەین.
یەكێتیی مامۆستایانی كوردستان بە درێژایی (57) ساڵەی خەباتی تا ئەمڕۆ، بێوچان خەباتی كردووە لە پێناوی بەدیهێنانی خواست و مافەكانی مامۆستایانی كوردستان و سەركەوتن‌ و بەرەوپێشەوەچوونی پڕۆسەی خوێندن لە كوردستاندا. سەرباری راپەڕاندنی ئەركە پیشەیی و پەروەردەیی‌ و زانستییەكان، لە قۆناغە جیاجیاكانی خەباتی رزگاریخوازیی گەلەكەماندا، رۆڵی بەرچاویان هەبووە و ژمارەیەكی بەرچاویش لە مامۆستایانی كوردستان شەهیدبوون، یان بەرگەی زیندان و سزای سیاسییان گرت بە گواستنەوەیان بۆ شوێنە دوورەدەستەكان. لە درێژەدان بە خوێندن لە ناوچە رزگاركراوەكانی شۆڕش و پاراستنی زمانی كوردی لە بەردەم شاڵاوی فاشییانەی دەسەڵاتی بەعسدا بۆ سڕینەوەی زمان و پەروەردەی كوردی.
لە خەباتی مامۆستایانی كوردستان سەری بەرزیان بۆ مووچە نەوی نەكرد. لە خەباتی پیشەیی و دیموكراسیدا پێشەنگ بوون و دەستكەوت و ئامانجە بەدیهاتووەكانی بۆ مامۆستایان و پڕۆسەی خوێندن بەرجەستە و دیارە. لە چوار ساڵی رابردووشدا بەهۆی قەیرانی دارایی ‌و شەڕی تێكشكاندنی داعش‌ و دۆخی ناهەمواری كوردستانەوە، سەربەرزانە درێژەیان بە راپەڕاندنی ئەركەكانیان دا.
لە ئێستاشدا كە نوێنەرایەتی دەیان هەزار مامۆستا دەكات، پێویستە باشتر خۆی ساز و ئامادە بكات بە بەرنامەیەكی نوێی كاركردن، كە بگونجێ‌ لەگەڵ داخوازی‌ و پێویستییەكانی ئەم قۆناغەی خەباتی پیشەیی‌ و دیموكراسی، بۆ داكۆكیكردن لە مافەكانی مامۆستایان‌ و خزمەتكردنی پەروەردە ‌و خوێندن لە كوردستاندا.
دووبارە پیرۆزە و هیوای سەركەوتن بۆ خەباتی پیشەیی و دیموكراسییانەی مامۆستایان دەخوازین.

راگەیاندنی مەكتەبی سیاسیی
یەكێتیی نیشتمانیی كوردستان

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ترەمپ: ئەمریكا فڕۆكەی F35 بە توركیا نافرۆشێت

دۆناڵد ترەمپ سەرۆكی ویلایەتە یەكگرتوەكانی ئەمریكا، لەكۆشكی سپی وتارێكی پێشكەش ...