سەرەکی » دۆسێ » داعش: سەدان دۆنم دەغڵوداندمان سووتاند

باسی گەرمای هاوین دەكات

داعش: سەدان دۆنم دەغڵوداندمان سووتاند

ڕێكخراوی داعش، بەرپرسیارێتی خۆی بەرانبەر بە سوتاندنی سەدان دۆنمی كشتوكاڵی لە سوریا و 4 پارێزگای عیراقی ڕادەگەیەنێت، شوێنكەوتوانیشی هاندەدات، بەردەوامبن لەسەر تێكدانی بەروبومی “هەڵگەڕاوەكان” لە وەرزی دروێنەدا.
بەپێی بەیاننامەیەكی ڕێكخراوی داعش كە لە 25ی ئایاری 2019 لەلایەن ماڵپەڕی (النبأ)ی سەر بە ڕێكخراوەكە بڵاوكرایەوە”سوتاندتی بەئەنقەست، وەڵامدانەوەی هێزە هەڵگەڕاوەكانە كە دەستییان بەسەر ماڵ و حاڵ و زەوی سوننەكاندا گرتوووە لەو ناوچانەی پێشتر لەژێر دەستی ڕێكخراوەكەدا بوون”.
هەر لە بەیاننامەكەدا هاتبوو”پێدەچێت هاوینێكی گەرم بێت بۆ بۆ سوتاندنی گیرفان و دڵی ئەوانەی مسوڵمان و ماڵی مسوڵمانیان سوتاند لەماوەی چەند ساڵی ڕابردوو”.
ڕێكخراوەكە دەڵێت”ئەوان بەرپرسن لە سوتاندنی زەوییە كشتوكاڵییەكان لەو ناوچانەی زۆرینەیان كوردن لە پارێزگاكانی كەركوك و دیالە و نەینەوا و سەڵاحەدین لە عیراق و پارێزگای حەسەكە لە سوریا، ئەو ئاگرەش تەنیا سەرەتایەك دەبێت بۆ سوتاندنی سەدان دۆنم لە كێڵگەكانی گەنم و جۆ”.
لەم ماوەیەی دواییدا، لە پارێزگاكانی كەركوك و دیالە و سەڵاحەدین و واست و نەجەف و موسەننا و دیوانیە، ئاگری گەورە كەوتەوە و بووە مایەی سوتانی ڕووبەرێكی بەرینی زەوی كشتوكاڵی كە گەنمیان تێدا چێنرابوو، لایەنە ئەمنییەكانیش، “دەستە گوماناوییەكانیان”یان بە وەستان لە پشت ئەو كارە تێكدەرە بۆ زیانگەیاندن بە كشتوكاڵ لە عیراق تۆمەتبار كردبوو، ژمارەیەك لە پەرلەمانتارانیش، داوایان لە حكومەت و دەزگا ئەمنییەكان كردبوو”بكەونە خۆیان و پاشماوەی بەروبومە كشتوكاڵییەكان ڕزگاربكەن”.
دوابەدوای ئەوەش، وەزارتی ناوخۆی عیراق، لە 18ی ئەم مانگە، داوای لە تیمەكانی بەرگری مەدەنی كردبوو، تا كۆتایی وەرزی دروێنە، لە حاڵەتی ئامادەباشیدابن.

«بەعسییەكانیش بەشدارن»
هەر لەو چوارچێوەیەدا پسپۆڕێكی ئەمنی ڕایگەیاندبوو، بەعسییەكان و پاشماوەی چەكدارانی داعش، دەستییان لە سوتاندنی بەروبومە كشتوكاڵییەكاندا هەیە، هۆكاریی ئەمەش بۆ كۆكردنەوەی باج و سەرانە لە هاوڵاتییان دەگیڕێتەوە.
فازڵ ئەبو ڕەغیف، پسپۆڕی ئەمنی لە تویتێكیدا لەسەر تۆڕی كۆمەلایەتی (تویتەر) ڕایگەیاندبوو”ئەوانەی لەم ماوەی دواییدا پەیوەندییان بە پاشماوەكانی بەعس و پیرەكانی ئەو حزبەوە كردووە، لەگەڵ چەكدارانی داعش پەیوەندییان بەستووە و دەستییان كردووە بە سوتاندنی بەروبومە كشتوكاڵییەكان بەر لەوەی ببرێنە بازاڕ، یان دروێنە بكرێن”.
بەگوتەی ئەبو ڕەغیف”بەپێی زانیارییەكان، بەعسییەكان لەو پارێزگایانەی بە ڕەگوڕیشەی دامەزرێنەرانی بەسش دادەنرێن، دەستییان كردووە بە سوتاندنی بەروبومە كشتوكاڵییەكان، لەم كارەشدا پاشماوەی چەكدارانی داعش هاریكارییان كردوون، بەڵام بەر لەوە دانوستانیان لەگەڵ خاوەن بەربومە كشتوكاڵییەكان كردووە بۆ ڕێكەوتن لەسەر بڕە پارەیەك، تا وەك باج و سەرانە وەریبگرن”.

«داعش خۆی لەنێو ئاوارەكاندا شاردۆتەوە»
فازڵ ئەبو ڕەغیف شرۆڤەكاری ئەمنی دەڵێت، داعش تائێستاش مایەی هەڕەشە و مەترسی لەسەر عیراق و پارێزگاكانی دروست دەكات، تەنانەت گەر لاوازیش بێت وەك ئەوەیە نەخۆش بكەوێت، بەڵام نامرێت و تائێستاش ئامرازی هەیە و شوێنكەوتووەكانی زیاتر لە شەش هەزار كەس دەبن كە خۆیان لە نێو مەدەنییەكان و ئاوارەكان و گەشتیاران و تەنانەت ئەو فەرمانبەرانەشدا شاردۆتەوە كە لە ناوچەكانی ژێر دەستی ڕێكخراوەكەدا بوون.
ئەبو ڕەغیف لە لێدوانێكی ڕۆژنامەوانیدا لە 18ی ئایاری 2019 ڕایگەیاندبوو”داعش ڕێكخراوێكی فكری ئایدۆلۆژییە و پشت بە ڕووپێوی گەیاندن و ڕاكێشانی كەسەكان دەبەستێت، بۆیە تائێستاش هاوئاوازە لەگەڵ هەندێك لە شوێنكەوتووانی لەڕێی ئەنجامدانی كارە تیرۆریستییەكان لە مانگی ڕەمەزان و ماوەكانی دواتر”.
بە گوتەی ئەو شرۆڤەكارە ئەمنییە” هەوڵێكی هەواڵگری گەورە خراوەتەگەڕ، بەو پێیەی هیچ كارێكی تیرۆریستی گەورە ئەنجامنەدراوە، وێڕای لەباربردن كارە تیرۆریستیەكان و دەستپێشخەریی هێزە ئەمنییەكان بۆ هەڵكوتانە سەر ئەو شانە نوستوانەی داعش كە بە نیازن هێرش و پەلامارەكانیان دەستپێبكەن، لەگەڵ هەڵمەتەكانی دەستگیركردنی ڕۆژانە لە بەغدای پایتەخت و كەركوك و دیالە و نەینەوا”.
ئەبو ڕەغیف پێیوایە”داعش ڕادێری هەیە كە هەوڵ دەدات بیانێرێتە نێو سیاسییەكان، چونكە هەركاتێك ڕەوشی سیاسی ئاڵۆز بێت، كردەوە تیرۆریستییەكانی ڕێكخراوە ڕوو لە زیادبوون دەكەن، بەو واتایەی كە داعش هەموو ئەو مشتومڕو ناكۆكیانە دەقۆزێتەوە كە لەنێو كوتلە سیاسییەكاندا دروست دەبن”.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

پارتە پۆپۆلیست و ڕاستڕەوەکان..

پارتە پۆپۆلیست و ڕاستڕەوەکان دەنگدەرانیان سێ بەرابەر زیادی کردووە سیروان ...