سەرەکی » وتار » لەتیف فاتیح فەرەج‌ » وەسفیە بەنی وەیسپەڕە 18

خورجە

وەسفیە بەنی وەیس

1-لە نێو بەرخودان و بە گژا چوونەوەدا زۆر كیژ و خاتونی قارەمان دەبنە سومبلی نەتەوە، ئەمە بۆ هەموو نەتەوەو میلەتێك هەروەسایە، خاتونەكانی ناو یەپەگەو یەپەژە بە ئێمەیان گوت ئەم وڵاتە لیپە لە خاتونی بوێرو تەوارو جەربەزە، ئەوەی ئەوان كردیان دنیای سەرسام كرد، دەیان داستان و شیعرو چیرۆك لە بارەیانەوە نووسرا، كورد دەڵێن» شێر لە بێشە دەرچێ‌ چ نێر بێ‌ چ مێ‌ «كیژۆڵەیەكی پورزای خۆم لە پۆلی 12 هەر تەنێ‌ كتێب و دەفتەری دەناسی ، كەچی لە ناو یەپەگەولەو رۆژئاوای كوردستانە گرەوی لە تەك ئاگرا دەكرد، خاتوو وەسفیە بەنی وەیس، ئەو ژنەی هەموو تەمەنی بۆ كوردایەتی تەرخانكرد یەكێك لەو تەوارانەیە كە مرۆڤ ناتوانێ‌ بێدەنگی لە بەرانبەردا هەڵبژێرێت، ئەو لە تەمەنێكی زۆر كەمەوە بڕیاری دا خۆر لەوئاسمانەوە بێنێتە خوارەوە، خۆری ئازادی.

2-نێرومێ‌ هەردوو بە جوتە بۆ وەتەن هەوڵێ‌ نەدەن
دورە دەرچوونی لە دیلی مەل بە باڵێ‌ نافڕێ‌
بێكەسی شاعیر زۆر پێش بەشداری ژنی كورد لەبەرخوداندا ئەمەی وتوە، زۆر خاتونی كوردلە مێژودا ناویان دەدرەوشێتەوە وەسفیە بەنیوەیس یەكێك لەوخاتونانەیە كە هەر لە سەرەتای لاویەوە لە نێو ناوچەیەكی مەترسیدارو كورد بوون یاساغدا دەستی بۆ پشكۆی بە گژاچونەوەی ستەمكاری برد، ئەو سەرەڕای زانینی مەترسیەكە، كەچی سەرسەختانە هەنگاوی یەكەمی نا، كۆمەڵەی رەنجدەرانی كوردستان، لەو سەردەمەدا بڕوای بەوە هەبوو دەبێت نێرو مێ‌ هەردوو بە جوتە بۆ وەتەن هەوڵێك بدەن، بەڵام بارو دۆخی ئەو رۆژگارە هەندێك ئەوەی ئەستەم كردبوو، گەرچی لە نێو ژنانی شاخدا چەندین ناوی دیار هەن كە هەقە بە تایبەت قسەیانلە سەر بكرێت.

3-بەر لە نزیك بە 200 ساڵ لەمەوبەر خاتونێكی مەزنی كورد بە نێوی مەستورەی ئەردەڵان، ماشەرەفخانمی ئەردەڵانی 1805-1848 داوای لە ژنانی كورد كردووە، ئازاد بن، دوای 150 ساڵ لەومێژوە، لەیلا قاسم بە سەربەرزیەوە دەچێتە بەردەم سێدارە، بە دوای ئەویشدا ئیدی كیژو خاتونی كورد دەبنەبەشێكی گرنگ لە دیرۆك و رۆڵی گەورە دەگێڕن، وەسفیە هاو قۆناغی لەیلایە، بەڵام ئەو تەمەن بواری دەدات تا زۆر كاری گەورە تر بكات، بڕوانن زەینەبخانی خوشكی دڵداری شاعیر لە 1947 چی دەڵێت :
زەینەب بڕۆ چەك هەڵگرە شانبە شانی براكانت
مناڵ و شوو بە لاوە نێ‌ وڵات نابێ‌ فەرامۆش بێ‌
ژنی كورد شانازیەكی گەورەیە بۆ نەتەوەیەك كە پرش و بڵاوی دنیایەو خاك و نیشتمانی هەیەو دەوڵەت نا.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

مامه‌ند كه‌ركوكی‌

1 ئه‌م جه‌هل و نیفاق و سیفه‌و زیلله‌ته‌ ده‌كه‌ی‌ ئه‌م ...