سەرەکی » هەمەڕەنگ » كەركوك، پیشانگەیەكی شێوەكاری كرایەوە

كەركوك، پیشانگەیەكی شێوەكاری كرایەوە

نووسینگەی كەركوك: هێمن ئەحمەد

ئێوارەی رۆژی 28/10/2019، لەسەنتەری رۆشنبیری كەركوك بەڕێوەبەرایەتی رۆشنبیری‌و هونەری كەركوك دەیەمین پیشانگەی تایبەتی بۆ هونەرمەندی شێوەكار «ئاری بابان» كردەوەو پێشانگەكەش بۆ ماوەی چوار رۆژ بەردەوام دەبێت.
پیشانگەكە بیست‌و یەك تابلۆی لەخۆگرتبوو تابلۆكانیش گوزارشت بوون لەبێدەنگی مرۆڤ و وەرزی پایز و ژن.
لەوبارەیەوە هونەرمەندی شێوەكار بەكوردستانی نوێی وت: «بەندە لەساڵی شەستەكانی سەدەی رابردوو كاری شێوەكاری دەكەم‌و یەكەم پیشانگەشم لەساڵی 1972 لەهۆڵی ئیمام قاسمی شاری كەركوك كردۆتەوە، تائێستا 160 پیشانگەی هاوبەشم كردۆتەوەو ئەمەش دەیەمین پیشانگەی تایبەتی خۆمە».
وتیشی: «لێرەدا دەبێت ئاماژە بەناوی ئەو هاوڕێ هونەرمەندانەم بكەم كە لەساڵانی شەستەكاندا لەم شارە كاری شێوەكارییان ئەنجامداوە بەنموونە هونەرمەند (گارا رەسوڵ، هونەرمەندی كۆچكردوو ئەیوب شەریف، میدحەت كاكەیی.. هتد)، هەروەها دەبێت ئاماژە بەڕۆڵی مامۆستای گەورەم فەخری جەلال بكەین كە لەو سەردەمەدا مامۆستامان بووە، چونكە من‌و دەیان هونەرمەندی دیكە لەژێر دەستی ئەو پەروەردە بووین و بووین بە هونەرمەند.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*