سەرەکی » وەرزش » وادەی كلاسیكۆی دووەم راگەیەندرا

وادەی كلاسیكۆی دووەم راگەیەندرا

خافێر تیباسی سەرۆكی دەستەی خولی ئیسپانیا بەشێوەیەكی رەسمی وادەی یاری كلاسیكۆی قۆناغی دووەمی خولی ئیسپانیای ئاشكرا كرد كە وابڕیارە لە یاریگای ریاڵ مەدرید بكرێت.
تیباس لە میانی ئامادەبوونی لە ئاهەنگی كردنەوەی كەناڵی رەسمی خولی ئیسپانیا لە ئینگلتەرا رایگەیاند بڕیاریانداوە یاری كلاسیكۆی قۆناغی دووەمی رۆژی 1ی 3 بەڕێوەبچێت.
كلاسیكۆ یەكێك دەبێت لە یارییەكانی جەولەی 26ی خولی ئیسپانیا و لە یاریگای سانتیاگۆ بیرنابیۆ بەڕێوەدەچێت و چاوەڕێش دەكرێت یارییەكە بەهۆی ركابەری بەهێزی نێوان هەردوو یانە لەم وەرزە جۆش و خرۆشی زۆر بەخۆیەوە ببینێت.
یەكەم یاری نێوان هەردوو یانە بەهۆی رووداوە سیاسیەكانی كەتەلۆنیا لە وادەی خۆی بەڕێوەنەچوو و خرایە مانگی 12 و لەو یارییەش ریاڵ مەدرید باشتر دەركەوت بەڵام یارییەكە بەبێ گۆڵ كۆتایی هات.
تیباس وتی: یارییەكە رۆژی 1/3 دەكرێت و كاتی یارییەكەش سەعات 9ی شەو دەبێت بە كاتی ئیسپانیا.
بەمەش یارییەكە بەكاتی هەرێمی كوردستان سەعات 11ی شەو دەكرێت.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*