سەرەکی » هەمەڕەنگ » كەركوك،كۆڕێك بۆ كتێبی دۆخی میدیای حزبی لە هەرێمی كوردستان

كەركوك،كۆڕێك بۆ كتێبی دۆخی میدیای حزبی لە هەرێمی كوردستان

بەئامادەبوونی ژمارەیەك لە نووسەران ‌و رۆشنبیرانی شاری كەركوك، ئێوارەی رۆژی 12/9/2020، گروپی شار بۆ مەعریفە، كۆڕێكی بۆ ناساندن‌و واژۆكردنی كتێبی بەخەیاڵی «پراڤدا»وە، نووسینی مەسعودی مەلا هەمزە لەسەر دۆخی میدیای حزبی لەهەرێمی كوردستان (سەرهەڵدان، گەشەسەندن، بەربەستەكان‌و ئایندە) رێكخست.

لەکۆڕەکەدا مەسعودی مەلا هەمزە بەشێوەیەک گشتی باسی لەناوەروكی كتێبەكە بۆ ئامادەبووان كردو پاشان کتێبەكەی پێشكەشی ئامادەبووانی کۆڕەکە كرد.

دەربارەی کتێبەکەی، مەسعودی مەلا هەمزە بەكوردستانی نوێی وت: كتێبەكە توێژینەوەیەكی زانستییە لەبارەی دۆخی میدیای حیزبی لەهەرێمی كوردستان، كتێبەكە لەدووتوێی 256 لاپەڕەدایە. هەروەها لەسێ بەش پێكهاتووە بەمشێوەیە: بەشی یەكەم باس لەمێژووی سەرهەڵدانی میدیای حیزبی لەهەرێمی كوردستان‌و سەرهەڵدانی حیزبایەتی دەكات، بەشی دووەمیان دەربارەی میدیای حیزبی‌و گەشەسەندنێتی لەدوای راپەڕین، هەروەها رۆڵی میدیای حیزبی چی بووە، هەروەها پەیدابوونی میدیای ئەهلی‌و دۆخی میدیای ئەهلی چۆن بووە، بەشی سێیەمی كتێبەكە باسكردنە لەدۆخی ئێستای میدیای حیزبی‌و لەمپەڕ‌و كێشەكانی بەردەم ئەو میدیایە كە لەئێستادا لەپاشەكشەدایەو چارەسەرەكانیشی خراوەتەڕوو.

وتیشی: ئامانجی سەرەكی كتێبەكە ئەوەیە چۆن بتوانین میدیای حیزبی ئەم دۆخەی ئێستای تێپەڕێنێت‌و بگەڕێتەوە دۆخەكەی جارانی.

هێمن ئەحمەد

print

 99 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*