سەرەکی » وەرزش » 20 هەزار هاندەر ئامادەی قۆناغی ئەڵمانیای فۆرمۆلا وەن دەبن

20 هەزار هاندەر ئامادەی قۆناغی ئەڵمانیای فۆرمۆلا وەن دەبن

بەرپرسانی تەندروستی ئەڵمانیا رایانگەیاند رێگە بە ئامادەبوونی 20 هەزتر هاندەر دەدەن بۆ ئەوەی ئامادەی قۆناغی ئەڵمانیای پاڵەوانێتی جیهانی فۆرمۆلا وەن بن كە مانگی داهاتوو بەڕێوەدەچێت.

قۆناغی ئەڵمانیای فۆرمۆلا وەن رۆژی 11ی 10 بەڕێوەدەچێت و وابڕیارە لە گۆڕەپانی نۆر برگرینج بەڕێوەبچێت كە دوای 7 ساڵ دابڕان بۆ جاری یەكەم میوانداری قۆناغێكی پاڵەوانێیتەكە دەكات.

ئەم قۆناغە لە نێو رۆژنامەی پاڵەوانێتی جیهان نەبوو ئەویش بەهۆی بوونی قۆناغێكی تری لە ئەڵمانیا بەڵام بەهۆی هەڵوەشاندنەوەی چەندین قۆناغ بەهۆی كۆرۆنا بڕیار درا ئەم قۆناغەش بۆ پاڵەوانێتییەكە زیاد بكرێت.

قۆناغی پێشوو كە لە ئەڵمانیا بەڕێوەچوو رێگە بە ئامادەبوونی هیچ هاندەرێك نەدرا بەڵام بەهۆی باشبوونی دۆخی ئەو وڵاتە بڕیار درا لەم قۆناغە 20 هەزار هاندەر ئامادە بن.

مالۆ درایەری سەرۆك وەزیرانی ئەو ویلایەتەی پێشبڕكێكەی لێ بەڕێوەدەچێت سەبارەت بەمە وتی: كاتێك نازناوی قۆناغی ئیڤیل بە براوەی پێشبڕكێكە دەدرێت ئەمە دەبێتە ریكلامێكی گەورە بۆ ناوچەكان، ئیڤیل لەسەرو سنوری وەرزشی ئۆتۆمبێلە و فۆرمۆلا وەنیش بەشێكە لە كەسایەتی ئەم ناوچەیە.

 162 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*