سەرەکی » وتار » عه‌بدوڵڵا عه‌باس » ئیشاعەی كۆن و سەردەمی میدیای نوێ‌!

ئیشاعەی كۆن و سەردەمی میدیای نوێ‌!

عەبدوڵڵا عەباس 

هه‌ر له‌م هه‌رێمه‌ی كوردستاندا ده‌یان میدیای بینراو و بیستراو و نووسراو وجودیان هه‌یه‌، ئەوە بێجگە لەو شتەی ناوی دەبەن بە (سۆشیال میدیا) و هەست بە سەغڵەت بوون ناكەم ئیعتراف بكەم تا ئێستا و دوای چل ساڵ كاری رۆژنامەنووسی تێناگەم لە هۆ و وجودی ئەم نەوعە میدیاییە كە هەندێ‌ (نازانم بۆ دیعایە وا ئەڵێن یان راست دەكەن) مەلاین پارەی بۆ خەرج دەكرێ‌ و سەدان خاوەن قەڵەم ئەهوننەوە و وەردەگرن، ئەوەندەی ئەم عەبدی خوایە تا ئێستا لەو دەعباییەی ناوی (سۆشیال میدیایە) تێگەیشتووم ئەركی ئەوەیە ئەو لایەنانەی لە ساحەی كوردستانن بە شەو لەو رێگایەوە گۆشتی یەك دەخۆن و واز لە ئیسقانی یەكتری دەهێنن بە رۆژا نانی رۆژانە بە رووتانەوەی ئەرزوو ئاوی وڵات بخۆن و بفرۆشن و وەك برا بەبێ‌ موشكلە بەشی بكەن …

جا حەقم پێی نیە وەك ئوسلوب و نەتیجە، ئەوەی ئەمەوێ‌ باسی بكەم ئێمە میللەتێكی نەرێت پارێزین ، هەموو ئەم وەسیلانەی راگەیاندن كاریگەرییان بەقەدەر نیوە ئیشاعەیەكی ئەندامێكی كۆمەڵەوە نییە كە لەوانەیە یان نەخوێنەواربێ‌ یان نیمچە نەخوێنەوار كە لەمەجلیسا یان بەدەم رێگاوە یان لەسەیارەی تەكسیدا زیرەكانە ئەیهونێتەوە و ئەیدات بەگویی خەڵكا! لەوانەیە ئیعلامی رەسمی و سۆشیال میدیا سوود لەوان وەربگرن و لەوانەیە پێچەوانەكەشی راست بی، جا لەبەر ئەوەی تەجروبە بۆی سەلماندوم ئەمە نەرێتەو تاقە خوویەكە لای زووربەی وەك ئەڵێن ئومەتی محەمەد نەماوە لای ئێمە تازە سەری دێرە، بەڵام بەرۆحی عەسری دەیهۆنینەوە ، دەبینی كارەساتی میژوو كەم نین بەسەرمان هاتووە ، هویەكەی چاوبزكردنەوەیەكی نەیارەكانمان بووە و روشی داو لەوانەیشە دووبارە و سێبارە ببێتەوە، زەردەخەنەیەكی ژەهراوی نەیاری میژووییە و كە خستوینیەتە باری مەترسی و كەبەهۆش هاتوینەتەوە زۆرمان زیان لێكەوتووە !

كه‌چی هێشتا (ئیشاعه‌)ی ده‌می (ئه‌گه‌ر ئه‌م ناوه‌ له‌رووی زمانه‌وانیه‌وه‌ گونجاو بێ‌ ) واته‌ ئه‌و هه‌واڵه‌ درووستكراوه‌ی به‌ده‌می له‌ یه‌كێكه‌وه‌ ده‌گات به‌ خه‌ڵك ، ئه‌مه‌یان هێشتا به‌كارتره‌ له‌و هه‌واڵانه‌ی له‌و میدیانه‌وه‌ی باسمانكردن ده‌گه‌ن، ئه‌گه‌ر نه‌ڵێین، له‌ كۆمه‌ڵی ئێمه‌دا ، هه‌ندێجار هه‌واڵه‌كانی ئه‌و میدیانه‌ جێی گومانن و هه‌واڵه‌ به‌ده‌م گه‌یشتووه‌كان زیاتر خه‌ڵك ده‌جوڵێنن و ئه‌مه‌ش په‌یوه‌ ندی به‌ هوشیارییه‌وه‌ هه‌یه‌ كه‌ ئێمه‌، له‌ لایه‌نی هوشیاركردنه‌وه‌ی كۆمه‌ڵایه‌تیه‌وه‌ بایه‌خ به‌ شێوه‌ی به‌رچاو زیاتر ده‌ده‌ین وه‌ك (جل و به‌رگ و بینا و ته‌لار) و هوشیاری بیرو هۆشمان لاخستوه‌!

• دواقسە
حەقیقەت قورسە و سارد ئەكەوێتە سەر ئەرز و بەردی رەق، كەچی ئیشاعە وەك گیاكەڵە یان ئاگر لەگەڵ دەركەوتنی تەشەنە دەكات.

سۆ كرافنوس

 197 جار بینراوە