سەرەکی » ئابووری » لەبارەی نرخەوە، دڵنیایی بە هاووڵاتیان دەدرێت

لەبارەی نرخەوە، دڵنیایی بە هاووڵاتیان دەدرێت

لیژنە هاوبەشەكانی قائیمقامیەتی سلێمانی هەڵمەتێكی پشكنین‌و بەدواداچون بۆ ناو بازاڕی سەرەكی سلێمانی ئەنجامدەدات‌و سەرۆكی لیژنەكەش لەبارەی نرخەوە دڵنیایی دەدات‌و هاوكات پەیامێكیش ئاراستەی سەرتاشخانەكان دەكات.
گۆران قادر سەرۆكی لیژنە هاوبەشەكانی قائیمقامیەتی سلێمانی، بە تۆڕی هەواڵی سلێمانی راگەیاند: وەكو بەڵێنمان دابوو بە هاووڵاتیانی شاری سلێمانی لەمانگی رەمەزاندا بەدواداچوون‌و گەڕان‌و پشكنینەكانمان زیاتر بكەین بەمەبەستی رێگریكردن لەگرانفرۆشی‌و سەلامەتی تەندروستیان، بۆ ئەو مەبەستە ئەمشەو هەڵمەتێكمان بۆ ناو بازاڕی سلێمانی ئەنجامدا.
وتیشی: «ئەوەی مایەی خۆشحاڵییە فرۆشیارەكان پابەندن بەڕێنماییەكان‌و نرخەكان جێگیرین‌و بەپێی ئامارەكانمان لەماوەی ئەم مانگەشدا سەرپێچییەكان كەمیان كردووەو توانیومانە بەهاوكاری لایەنە پەیوەندیدارەكان كۆنترۆڵی بازاڕ بكەین».
سەرۆكی لیژنە هاوبەشەكانی قائیمقامیەت پەیامێكی ئاراستەی سەرتاشخانەكان كردو وتی: «لەسەردانەكەماندا بۆ سەرتاشخانەكان تێبینی ئەوەمانكرد هەندێك لەسەرتاشەكان شفرەی هەمیشەی بەكاردەهێنن كە رێگە پێدراو نییە، بەڵكو هاوشێوەی ئەوە هەیە كە تەنها بۆ یەكجار بەكاردێت بۆ ئەوەی هاووڵاتیان لەكاتی سەر چاككردنیان توشی مەترسی تەندروستی نەبێت».

print

 103 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*