سەرەکی » وەرزش » تۆپی پێ بۆ ماوه‌یه‌ك ده‌وەستێت

تۆپی پێ بۆ ماوه‌یه‌ك ده‌وەستێت

له‌یاریی شه‌وی شه‌ممه‌ی رابردوی بارسیلۆنادا و له‌ده‌قیقه‌ی 25 ی یارییه‌كه‌دا، میسی توشی پێكان هات و دواجار نه‌یتوانی یارییه‌كه‌ ته‌واو بكات و گه‌یه‌نرایه‌ سه‌نته‌ری پزیشكی یانه‌كه‌ له‌بارسیلۆنا.
پێكانه‌كه‌ی میسی له‌ئه‌نجامی به‌ریه‌ككه‌وتنی بوو له‌گه‌ڵ یاریزانێكی به‌رگریكاری یانه‌ی سیڤییا و به‌خراپی له‌سه‌ر ده‌ستی ده‌كه‌وێت و ئێسكێكی قۆڵی شكاوه‌و چاره‌سه‌ری ئه‌م شكانه‌ش لانی كه‌م 20 رۆژی ده‌وێت.
ئه‌م هه‌واڵه‌ هانده‌رانی یانه‌ی بارسیلۆنای توشی شۆك كردووه‌، چونكه‌ له‌كاتێكی هه‌ستیاردا میسی توشی پێكان بووه‌و یانه‌ی بارسیلۆنا له‌م كاته‌دا له‌هه‌موو كات زیاتر پێویستی پێیه‌تی.
له‌م ماوه‌یه‌دا كه‌ میسی توشی پێكان بووه‌ و ناتوانێت یاریی بكات، یانه‌كه‌ ئه‌م یارییانه‌ به‌بێ میسی ده‌كات:
*بارسیلۆنا×ئینته‌ر میلان-چامپیۆنس لیگ(چوار شه‌ممه‌ 24/10/2018).
*بارسیلۆنا×ریاڵ مه‌درید-لالیگا(یه‌کشه‌ممه‌-28/10/2018).
*لیۆنیسا ×بارسیلۆنا -جامی شای ئیسپانیا(چوار شه‌ممه‌ 31/10/2018).
*رایۆڤالیكانۆ×بارسیلۆنا-لالیگا(شه‌ممه‌ 3/11/2018).
*ئینته‌رمیلان×بارسیلۆنا-چامپیۆنس لیگ(سێشه‌ممه‌ 6/11/2018).
*بارسیلۆنا×ریاڵ بیتیس-لالیگا(یه‌کشه‌ممه‌ 11/11/2018).
رۆژنامه‌ی مۆندۆ دیپۆرتیڤۆی كه‌ته‌لۆنی له‌ژماره‌ی دوێنێی خۆیدا سه‌باره‌ت به‌م گورزه‌ كورچكبڕه‌ی به‌ر بارسا كه‌وتووه‌ به‌مانشێتی گه‌وره‌ی خۆی له‌لاپه‌ڕه‌ی یه‌كه‌میدا نووسیویه‌تی (لیده‌ر شكا) كه‌به‌وردی باسی پێكانه‌كه‌و شكانی ئێسكس ده‌ستی راستی میسی ده‌كات كه‌ چۆن شكاوه‌ و ئه‌و یارییانه‌شی ئاشكرا كردووه‌ كه‌ میسی ناتوانێت به‌هۆی ئه‌م پێكانه‌وه‌ یارییان تیادا بكات.

 24 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*