سەرەکی » وتار » لەتیف فاتیح فەرەج‌ » شەهید مەلا عەلی

خورجە

شەهید مەلا عەلی

1
ئەگەر لە بوێری و ئازایەتیدا نمونەی مامەڕیشەمان هەیە، كە مایەی هەڵوەستەو لە سەر نوسینی بەردەوامە، لە عیشق و ئەویندا جگە لە نمونەی ئاتیلا، كەسانی دیكەمان هەیە، لە بیرفراوانیدا ئارام، لە نەكەوتندا نمونەی مەلا عەلی شاعیرمان هەیە، من جاری دیكەش بابەتم لە سەر نووسیوە، مێژوی كورد لیپە لە كە سانێك كە دەكرێت رۆمان و داستان و فیلمیان لە سەر چێبكرێت، ئەبولەیلا، زەكیە ئالكان، ساكینە جانسز و زۆری دیكە، مێژوی كورد لە دەرەوەی خیانەت و خۆ فرۆشیدا نمونەی مێژوی قوربانی دان و ئازایەتیە، دەیان ماندێللا و گیڤارامان هەیە، قازی محەمەد هیچی لە ماندێللا كەمتر نەبووە، تۆ بڕوانە مرۆڤ هێندە گەورە بێت بۆ ئەوەی كەس نەكوژرێت ئامادەبێت خۆی ببێتە قوربانی، هەرچی دەگەڕێمەوە لای شیعرەكانی مەلا عەلی سەرسام دەبم بەو هەموو تینەی بەردەم پەتی مردن .
2
مەرگی ئاوا ناگۆڕمەوە بە سەد ژین
ژینێك سەرم بۆ دوژمن بێ‌ بە پەرژین
سەربەرزیە كە پێڵاوم ئەبینن
بەسەر سەری دوژمنەوە لە بەرزین
تۆ بڕوانە مرۆڤ لەبەردەم پەتی سێدارەدایە، سور دەزانێ‌ ئیدی ئەو كونجی زیندان جێناهێڵێت، بەڵام لە گەڵ ئەوەشدا مەرگی ئاوا ناگۆڕێتەوە بە سەد ژین، بەڵام هێشتا خەمی ئەوەیەتی كە ئەوەی لەسەری بووە وەك پێویست بەجێی نەهێناوە، پێشمەرگە بیت، بكەویتە دەست بەعس، پەتی خنكاندنت بۆ ئامادە بكرێت، كەچی وەك ئەوە سەیری خۆت بكەیت هێشتا كەمتەرخەمی، داخوا ئێستا بەرپرسەباڵاكانی خاوەنی كۆشك و ڤێللا و تەلارو مۆڵ و میدیاو بیرە نەوت لە بەردەم ئەم پیاوەدا چۆن سەیری خۆیان دەكەن، پیاوێك ژیانی زیاتری ویستوە بۆ خەبات و هیچی تر .
3
شیعرەكانی مەلا عەلی لیپن لە جوانی و راستگۆیی، باسی سروشت، پێشمەرگایەتی، جەولە، گەرمیان و زۆزان، گوڵ و دەشت و دەر، كچ و كاڵ و زۆر بابەتی دیكە دەكەن، لە گەڕانەكانیدا بەو جۆرە باسی سروشتی كوردستان دەكات
مەگەر دێهاتی ئالان وەهابن
ئێستا وێرانن حەیف و مخابن
یان چەند جوان باسی كچانی لادێ‌ و داوای ئاوكردن دەكات لێیان :
فڵانی داوای تۆزێ‌ ئاوی كرد
گەلاوێژ دەستی بۆ سەر چاوی برد
راستی ئەم گۆشە بچوكە جێی قسەو باسی زۆر نیە، لێ‌ من ئیرەیی بە گەورەیی كە سانی وەك مەلا عەلی و گوڵسورخی دەبەم و تامەزرۆی ئەو جۆرە مەرگەی ئەوانم .
كەم خواست و خۆزگەم گەیشتە ئەنجام
هێشتا لە رۆژی هیوا نەڕەنجام

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

په‌ڵكانه‌و شوێنه‌كانی‌ تر

1 زه‌ڕه‌یه‌ك خاكی‌ وه‌ته‌ن ناده‌م به‌ قه‌سری‌ قه‌یسه‌ری‌ جۆگه‌له‌و ئاوی‌ ...