سەرەکی » ئابووری » پاڵێوگەی سورقاوشان دەكەوێتەكار

پاڵێوگەی سورقاوشان دەكەوێتەكار

لە شارۆچكەی دوكانی سەر بە پارێزگای سلێمانی پاڵێوگەی (سوورقاشان) بە شێوەی ئەزموونی دەستی بە بەرهەمهێنانی نەوت كردووە، ئەندامێكی ئەنجومەنی پارێزگای سلێمانیش دەڵێت:»حكومەت نەوت بۆ پاڵێوگەكە دابین دەكات و لەبەرامبەردا پاڵێوگەكە نەوتی سپی بە حكومەت دەداتەوە».
هۆشیار ئیسماعیل، ئەندامی لیژنەی وزەو سەرچاوە سروشتییەكان لە ئەنجومەنی پارێزگای سلێمانی راگەیاند: ئێستا پاڵێوگەی سوورقاوشان لە شارۆكەی دوكانی سەر بە پارێزگای سلێمانی دەستی بە كاركردن و پاڵاوتن كردووە و لە قۆناغی یەكەمیشدا گازوایل بەرهەم دەهێنێت.
روونیشیكردەوە: «پاڵێوگەكە كاریگەری باشی دەبێت بۆ سنوورەكە بە تایبەتی بۆ بەنزین و نەوتی سپی و غازی شلی ماڵان، پاڵێوگەكە لە توانای هەیە رۆژانە 20 هەزار بەرمیل نەوت بپاڵێوێت».
ئەو ئەندامەی ئەنجومەن وتی: «ئەو پاڵێوگەیە بۆ بەرهەم هێنانی نەوتی سپی بەو شێوەیە، كە دەبێت حكومەت نەوتی خاوی بۆ دابین بكات و لە بەرامبەردا ئەو پاڵێوگەیە نەوتی سپیەكە بە حكومەت بداتەوە، بەڵام ئەگەر حكومەت نەوتی خاوی پێ بفرۆشێت ئەویش نەوتەكە دەخاتە بازاڕەوە».
وتیشی: «بەگشتی ئەو پاڵێوگەیە كاریگەری زۆر باشی دەبێت بۆ سنوورەكە، بە تایبەتی لە رووی نەوت و بەنزین، لە هەر حاڵەتێكدا نرخی نەوت بە شێوەی بەرچاو دادەبەزێت بەهۆی ئەو پاڵێوگەیەوە».
شارۆچكەی دوكان بە دووری 70 كیلۆمەتر دەكەوێتە باكوری رۆژئاوای شاری سلێمانی و جگە لە بوونی پاڵێوگەی نەوت بە شوێنێكی گەشتوگوزاریش دادەنرێت.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*