سەرەکی » هەمەڕەنگ » سوهەیلا مەیهەمی یەکەم دیوانە شیعری بڵاودەکاتەوە

سوهەیلا مەیهەمی یەکەم دیوانە شیعری بڵاودەکاتەوە

لەڕۆژانی رابردوودا لەکافێ کتێبی وشە لە سنە، کۆڕێک بۆ ناساندنی کۆمەڵە شیعری (باڵندەییم شاشەیەکی شەتڕەنجییە) نووسینی سوهەیلا مەیهەمی وەک یەکەم ئەزموونی شاعیر بەڕێوەچوو.
لەکۆڕەکەدا کە بە بەشداری ژمارەیەک لەشاعیر و نووسەرو هۆگری شیعر بەڕێوەچوو، چەند شیعرێک لە لایەن سوهەیلا مەیهەمی شاعیرەوە خوێندرایەوە، پاشان خاتوو بەیان عەزیزی بەلێدوان لەسەرئەوەی کە بۆچی ژنێکی نووسەر دەست بۆ نووسین دەبات ئاماژەی بەئەدەبیاتی ژنانەو پێویستی نووسینی ژنانە کردو ئاماژەی بەوەدا کە ئەدەبیاتی ژنانە کڵێشە باوەکان وەلادەنێ و لەم کۆمەڵە شیعرەدا شاعیر توانیویەتی واز لەو کڵێشانە بێنێ و ئەوجا لایەنی شیعری و هزری ئەم بەرهەمەی شاعیری وەکوو ژنە شاعیرێک، خستە بەرباس و قسەلەسەرکردن. دواتر خاتوو نینا کەریمی باسی لەنەبوونی دەنگی ژنانە کرد لە شیعردا، هەروەها ئاماژەی بەوەدا کە لەشیعرەکانی خاتوو سوەیلادا هەوڵی تاکی و ڕووخساری ژنانە زۆر بەرچاوە، هەروەها ئاماژەی کرد بەوەی کە لەدەقەکانییدا هەست و سۆزو هزری خۆی بە دیاردەخات.
پاشان لەسەر مێژووی شیعری ژنانی جیهان و بەتایبەت ناوچەکە قسەی کردو بە هێنانەوەی چەند بەڵگەو فاکتێک لەدەقی شیعری خاتوو سوەیلا، ئاماژەی کرد بەلایەنەکانی نیشانەشناسی و جوانناسی. دواتر خاتوو گوڵاڵە بەخستنە بەرباسی چەند نموونەیەک ئاماژەی بەپێکهاتەو تەشکو ناوەڕوکی شیعرەکانی کردوو لەبەشێکی تری کۆڕەکەدا هونەرمەندی گۆرانیبێژ نەڤید کەریمی چەند گۆرانییەکی پێشکەش کرد.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

شاخیان بۆ بڕییه‌وه‌

سكای‌ نیوز شیام لال یاداف ئه‌و جوتیاره‌ی‌ خه‌ڵكی‌ گوندی‌ راهلی‌ ...