سەرەکی » هەمەڕەنگ » كەركوك،هەفتەی رۆشنبیری كۆتایی هات پێشانگایەكی شێوەكاری كرایەوەپەڕە 25

كەركوك،هەفتەی رۆشنبیری كۆتایی هات پێشانگایەكی شێوەكاری كرایەوە

ئێوارەی رۆژی 12/9/2020، لەچوارچێوەی چالاکییەکانی هەفتەی رۆشنبیریی لەکەرکوک، گروپی شار بۆ مەعریفە پیشانگەیەكی شێوەكاری بۆ هونەرمەند بەهێز بورهان لەسەنتەری رۆشنبیری كەركوك كردەوەو کۆتایی بەو هەفتەی رۆشنبیرییە هات.

لەوبارەیەوە هەڤاڵ دارا لێپرسراوی گروپی شار بەكوردستانی نوێی راگەیاند: لەكاتی كەرەنتینەدا دۆخی رۆشنبیریی لەكەركوك رووی لەداڕمان كردبوو، بۆیە وەك گروپی شار هەڵساین بەسازدانی هەفتەیەكی رۆشنبیریی كە بریتیبوو لەپێنج چالاكیی، لەوانە چەند کۆڕێک کە بریتیبوون لە ״نەوت‌و دیموكراسی״ ״منداڵانی سەرشەقام رەوڕەوەیەك بەرەو هەڵدێر״ كە بابەتێكی پەروەردەیی فكری بوو، چالاكی سێیەم قسەكردن بوو لەسەر شانۆی سەرشەقام، هەروەها كردنەوەی پیشانگەیەك بوو بەهاوكاری گروپی ״ئارت ناو״، هەروەها كۆتا چالاكیشیان كۆڕێكی ناساندن‌و واژۆكردن بوو لەسەر كتێبی بە ״خەیاڵی پراڤدار״دۆخی میدیای حیزبی لەهەرێمی كوردستان.. سەرهەڵدان، گەشەسەندن، بەربەستەكان‌و ئایندە، بۆ نووسەر مەسعودی مەلا هەمزە.

هاوكات هونەرمەند بەهێز بورهان دەربارەی پیشانگە شێوەکارییەکەی بەكوردستانی نوێی وت: پیشانگەكە نزیكەی 30 وێنەی لەخۆگرتبوو، هەندێك لەوێنەكان لەسەر تەختە كێشاومن، وێنەكانی دیكەش لەسەر كاغەزو سكەیژی ئاوی كێشاومە، دیارە ئەمە یەكەم پیشانگەمە، بەڵام بەنیازم لەسەرەتای مانگی ئۆكتۆبەردا پیشانگەیەك لەسەر كەرەنتینەو شێوەی كەسەكان بكێشم كە لەماڵەوە لەكەرەنتینەدا بوون.

هێمن ئەحمەد

 113 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*