سەرەکی » ئابووری » پارە بۆ پڕۆژەكانی تۆڕی ئاوەڕۆی سلێمانی تەرخان دەكرێت

پارە بۆ پڕۆژەكانی تۆڕی ئاوەڕۆی سلێمانی تەرخان دەكرێت

وەزارەتی شارەوانی و گەشتوگوزاریی هەرێم بڕیاریدا، زیاتر لە 499 ملیۆن دینار بۆ جێبەجێكردنی پڕۆژەیەكی دروستكردنی تۆڕی ئاوەڕۆ بۆ شەقام و كۆڵانەكانی جیاكراوەی 212ی كەرتی 8ی ئابڵاخ لە شاری سلێمانی خەرج بكات.

لەو چوارچێوەیەشدا، وەزارەتی شارەوانی رەزامەندیی پیشاندا، لەسەر داهاتی رێژەی لەسەدا 15ی سەرۆكایەتی شارەوانیی سلێمانی و بە گوێرەی یاسا و رێنماییەكان بڕی 499 ملیۆن و 254 هەزار دینار بۆ جێبەجێكردنی پڕۆژەی تۆڕی ئاوەڕۆ بۆ شەقام و كۆڵانەكانی جیاكراوەی 212ی كەرتی 8ی ئابڵاخ لە شاری سلێمانی خەرج بكرێت، كە ئێستا دەرخستەی بۆ كراوە.

 180 جار بینراوە