سەرەکی » هەواڵ » پەیامی قوباد تاڵەبانی بە بۆنەی دەستبەکاربوونی قەداسەتی پاتریارک مار ئاوای سێهەمەوە

پەیامی قوباد تاڵەبانی بە بۆنەی دەستبەکاربوونی قەداسەتی پاتریارک مار ئاوای سێهەمەوە

بەڕێز پاتریارک مار ئاوای سێیەم

بەبۆنەی دەستبەکاربوونتان وەک ١٢٢یەمین پاتریارکی کەنیسەی رۆژهەڵاتی ئاشووری لە هەولێر، بەگەرمی پیرۆزبایی گرتنەئەستۆی ئەو ئەرکە ئاینییە پیرۆزەتان لێدەکەم و ئومێدەوارم هاتنتان مایەی خێر بێت بۆ پێکەوەژیانی ئاینی لە هەرێمی کوردستان و هەنگاوەکانی ئایندەتان بە رۆحیەتی خۆشەویستی بگرنەبەر.

دەستبەکاربوونتان لەکاتێکدایە کە هەرێمەکەمان رووبەڕووی چەندین رکابەری دەبێتەوە، داوا دەکەین وە‌ك ھە‌میشە‌ کە شێوازی گفتوگۆی بنیاتنەرانە و هەماهەنگی و هاریکاری هاوبەش بگرنەبەر لەپێناو خزمەتکردن بە بەرژەوەندییە باڵاکانی گەلی کوردستان-دا، با بەیەکەوە نزا بکەین تا ئاشتی و ئارامی و دڵنیایی باڵ بکێشێت بەسەر هەرێمەکەماندا.

دووبارە دەستبەکاربوونتان پیرۆز بێ لەهەموو برا مەسیحییەکانی کوردستان و عیراق و ناوچەکە.

سوپاسگوزاریمان بۆ هەموو هەنگاو و نیازە چاکەکانتان قبوڵ بکەن.

قوباد تاڵەبانی
جێگری سەرۆکی ئەنجومەنی وەزیران

 47 جار بینراوە